តើអ្នកគួរផឹកទឹកប៉ុន្មានក្នុងអំឡុងពេលមានផ្ទៃពោះ?

A portrait of a beautiful asian pregnant woman holding a glass of water, smiling

អំឡុងពេលពពោះ ម៉ាក់ៗគួរញ៉ាំទឹកប៉ុន្មានលីត្រទើបល្អ?

ទឹកមានសារៈសំខាន់ណាស់សម្រាប់មនុស្សយើងគ្រប់គ្នា មិនថាយើងមានឬគ្មានផ្ទៃពោះនោះទេ។ យ៉ាងណាមិញ នៅពេលដែលម៉ាក់ៗមានផ្ទៃពោះ ការញ៉ាំទឹកឲ្យបានគ្រប់គ្រាន់គឺជារឿងចាំបាច់មួយដែលមិនគួរធ្វេសប្រហែសឡើយ ពីព្រោះថាទឹកអាចជួយទ្រទ្រង់ដល់ការលូតលាស់ និងការអភិវឌ្ឍរបស់ទារកក្នុងផ្ទៃ ហើយថែមទាំងជួយដល់ការរំលាយអាហារនិងគាំទ្រដល់ចលនាឈាមរត់របស់កូនថែមទៀតផង។

បន្ថែមពីនេះការញ៉ាំទឹកគ្រប់គ្រាន់ក៏អាចជួយឲ្យបរិមាណទឹកភ្លោះមានតុល្យភាពកាត់បន្ថយការហើមនិងហានិភ័យនៃការបង្ករោគលើផ្លូវទឹកនោមព្រមទាំងជួយឲ្យបំពង់រំលាយអាហារម៉ាក់ដំណើរការបានល្អ។

ផ្ទុយទៅវិញ ប្រសិនបើយើងញ៉ាំទឹកមិនគ្រប់គ្រាន់ទេនោះម៉ាក់ៗអាចប្រឈមនឹងបញ្ហាមួយចំនួនដូចជាវិលមុខ ធីងធោង និងឈឺក្បាល។

បរិមាណទឹកប្រចាំថ្ងៃដែលចាំបាច់សម្រាប់ស្រ្តីពពោះ

នៅពេលដែលម៉ាក់ៗមានផ្ទៃពោះតម្រូវការជាតិទឹកប្រចាំថ្ងៃក៏មានការកើនឡើងដែលអាចចន្លោះពី៨ទៅ១២កែវក្នុងមួយថ្ងៃ ឬប្រហែលពីពីរលីត្រ ទៅ៣លីត្រ។ប៉ុន្តែបរិមាណនេះ អាចមានការប្រែប្រួលប្រសិនបើម៉ាក់ធ្វើលំហាត់ប្រាណឬស្ថិតក្នុងអាកាសធាតុក្តៅខ្លាំង។

ហានិភ័យនៃការញ៉ាំទឹកមិនគ្រប់គ្រាន់អំឡុងពេលពពោះ

ការញ៉ាំទឹកមិនគ្រប់គ្រាន់អំឡុងពេលពពោះបង្កជាហានិភ័យជាច្រើនដែលរួមមានងាយបង្ករោគលើផ្លូវទឹកនោម និងទល់លាមក ក៏ដូចជាការកន្ត្រាក់ស្បូនមុនពេលកំណត់។ជាងនេះទៅទៀត បរិមាណទឹកភ្លោះនឹងថយចុះ ដែលអាចបណ្តាលឲ្យរលូតកូនកូនកើតមុនខែ ឬកូនស្លាប់ក្នុងផ្ទៃក៏មានពីព្រោះថានៅពេលដែលបរិមាណទឹកភ្លោះតិចជ្រុលនោះទារកក្នុងផ្ទៃនឹងពិបាកដកដង្ហើមមិនខាន។

សញ្ញានៃកង្វះជាតិទឹកអំឡុងពេលពពោះ

ចំពោះសញ្ញាមួយចំនួននៃបញ្ហាកង្វះជាតិទឹកកម្រិតស្រាលដែលម៉ាក់ៗគួរសង្កេតនោះ មានដូចជាទឹកនោមមានពណ៌លឿងចាស់ ឈឺក្បាលស្ងួតមាត់ ងងុយគេង ទល់លាមកនិងវិលមុខ។ ក្នុងករណីដែលស្ត្រីពពោះខ្វះជាតិទឹកធ្ងន់ធ្ងរ នោះអាចនឹងលេចឡើងនូវសញ្ញាមួយចំនួនដែលរួមមាន៖វង្វេងស្មារតី នោមតិចឬមិននោមសោះ ទឹកនោមមានពណ៌ខ្មៅខ្លាំង ភ្នែករូងឬចង្វាក់បេះដូងកើនឡើង។ ដូច្នេះហើយដើម្បីជៀសវាងហានិភ័យផ្សេងៗចំពោះខ្លួនឯង និងទារកក្នុងផ្ទៃម៉ាក់ៗចាំបាច់ត្រូវញ៉ាំទឹកឲ្យបានគ្រប់គ្រាន់ ទើបជាការប្រសើរ៕

ដើម្បីស្វែងយល់បន្ថែមពីអាហារដែលសម្បូរដោយជីវជាតិនិងសារធាតុចិញ្ចឹមដែលជួយឲ្យកូនរបស់លោកអ្នក មានការលូតលាស់ល្អក៏ដូចជាជួយដល់ការអភិវឌ្ឍខួរក្បាលរបស់ពួកគេ សូមចុចទីនេះ ឬលោកអ្នកអាចចុះឈ្មោះជាសមាជិក កូនឆ្លាតក្លឹប បានដើម្បីទទួលបានវត្ថុអនុស្សាវរីយ៍សៀវភៅអប់រំ និងការប្រឹក្សាយោបល់ដោយឥតគិតថ្លៃបាន។

បញ្ជាក់៖ រាល់ព័ត៌មានដែលវេបសាយយើងចេញផ្សាយចែករំលែកចំណេះដឹងប៉ុណ្ណោះ ហើយព័ត៌មានទាំងនោះមិនអាចជំនួសដំបូន្មានពីពេទ្យជំនាញ ចំពោះស្ថានភាពសុខភាពជាក់ស្ដែងរបស់អ្នកជំងឺឡើយ។ដូច្នេះមិនត្រូវបោះបង់ មិនស្ដាប់ដំបូន្មាន ពន្យារពេល ឬមិនទៅជួបពិគ្រោះយោបល់ជាមួយគ្រូពេទ្យដោយសារអ្នកបានអានព័ត៌មានណាមួយលើវិបសាយនេះឡើយ។ រាល់ពេលចាប់ផ្ដើមវិធីសាស្ត្រព្យាបាលណាមួយ ត្រូវប្រាកដថា បានពិគ្រោះនិងទទួលការអនុញ្ញាតពីគ្រូពេទ្យជំនាញ៕

អត្ថប្រយោជន៏ចូលរួមកូនឆ្លាតក្លឹប

វិធីសាស្រ្ត និងគន្លឹះផ្សេងៗតាមដំណាក់កាលនិមួយៗ សម្រាប់ដំណើរភាពជាអ្នកម្តាយ
កាដូអនុស្សាវរីយ៍ និងសៀវភៅអប់រំសម្រាប់អ្នកម្តាយពពោះ និងអ្នកម្តាយដែលមានកូនគ្រប់ ២ឆ្នាំ
ការពិគ្រោះជាមួយអ្នកប្រឹក្សាយោបល់ពីកូនឆ្លាតក្លឹប

ចុះឈ្មោះឥឡូវនេះ