ការឈឺចាប់ Braxton Hicks មានអារម្មណ៍ដូចម្តេច?

តើការកន្ត្រាក់បញ្ឆោតមានអារម្មណ៍យ៉ាងណា?

ការកន្ត្រាក់ Braxton Hicks ជាទូទៅគឺមិនឈឺចាប់ទេ ហើយស្រដៀងនឹងការឈឺពោះមករដូវ ពេលខ្លះវាត្រូវបាន គេហៅថា "ការកន្ត្រាក់បញ្ឆោត"។ វាកើតឡើងនៅពេលដែលស្បូនកន្ត្រាក់តឹងហើយរលាទៅវិញ តែមិនទៀងទាត់ ឡើយ។ នៅពេលជិតគ្រប់ខែ វាអាចនឹងឈឺបន្តិច ជាពិសេសពេលកូនបង្វិលក្បាលចុះមកក្រោម។

អ្នកនឹងដឹងការកន្ត្រាក់ជិតសម្រាលមែនទែន ដោយសារការកន្ត្រាក់មែនទែនគឺញឹក (ប៉ុន្តែមានសភាពទៀងទាត់) ហើយកន្ត្រាក់ជាប់យូរ ។ អ្នកនឹងមានអារម្មណ៍ថាការកន្ក្រាក់នេះកាន់តែខ្លាំង និងភាពឈឺចាប់។ សម្រាប់ការ កន្ត្រាក់បញ្ឆោតនេះវិញ វានឹងបាត់ទៅវិញ និង មិនមានសភាពទៀងទាត់នោះទេ។ បើសិនជាអ្នកមានការសង្ស័យ ឬមិនច្បាស់នោះ សូមទៅជួបពិគ្រោះជាមួយគ្រូពេទ្យ។

ដំណោះស្រាយជាមួយបញ្ហាកន្ត្រាក់បញ្ឆោត

បើសិនជាការកន្ត្រាក់នេះឈឺខ្លាំងពេក អាចធ្វើឲ្យយើងពិបាកទ្រាំ។ គួររកកន្លែងអង្គុយសម្រាក ឬគេងផ្អៀងមួយ ភ្លែតសិន។ បើសិនជានៅតែមិនបាត់ សាកដើរតិចៗ ប្រែខ្លួន ឬមុជទឹកក្តៅ។ កន្ត្រាក់បញ្ឆោតនេះ ក៏អាចមកពីកត្តាបាត់បង់ជាតិទឹកដែរ ដូចនេះកុំភ្លេចញ៉ាំទឹកឲ្យបានគ្រប់គ្រាន់។

បញ្ជាក់៖ រាល់ព័ត៌មានដែលវេបសាយយើងចេញផ្សាយចែករំលែកចំណេះដឹងប៉ុណ្ណោះ ហើយព័ត៌មានទាំងនោះ មិនអាចជំនួសដំបូន្មានពីពេទ្យជំនាញ ចំពោះស្ថានភាពសុខភាពជាក់ស្ដែងរបស់អ្នកជំងឺឡើយ។ ដូច្នេះមិនត្រូវបោះបង់ មិនស្ដាប់ដំបូន្មាន ពន្យារពេល ឬមិនទៅជួបពិគ្រោះយោបល់ជាមួយគ្រូពេទ្យ ដោយសារអ្នកបានអានព័ត៌មានណាមួយលើវិបសាយនេះឡើយ។ រាល់ពេលចាប់ផ្ដើមវិធីសាស្ត្រព្យាបាលណាមួយ ត្រូវប្រាកដថា បានពិគ្រោះ និងទទួលការអនុញ្ញាតពីគ្រូពេទ្យជំនាញ៕

អត្ថប្រយោជន៏ចូលរួមកូនឆ្លាតក្លឹប

វិធីសាស្រ្ត និងគន្លឹះផ្សេងៗតាមដំណាក់កាលនិមួយៗ សម្រាប់ដំណើរភាពជាអ្នកម្តាយ
កាដូអនុស្សាវរីយ៍ និងសៀវភៅអប់រំសម្រាប់អ្នកម្តាយពពោះ និងអ្នកម្តាយដែលមានកូនគ្រប់ ២ឆ្នាំ
ការពិគ្រោះជាមួយអ្នកប្រឹក្សាយោបល់ពីកូនឆ្លាតក្លឹប

ចុះឈ្មោះឥឡូវនេះ