Asian baby taking first steps walk forward on the soft mat. Happy little baby learning to walk with mother help at home. Mother teaching how to walk gently. Baby growth and development concept.

ក្មេងខ្វះវីតាមីន និងជាតិរ៉ែ ប៉ះពាល់សុខភាពម៉េចខ្លះ?

កូនក្មេងត្រូវការវីតាមីន និងរ៉ែខនិជគ្រប់គ្រាន់ ដើម្បីអភិវឌ្ឍបញ្ញា និងរាងកាយ។ ប៉ាម៉ាក់ត្រូវយកចិត្តទុកដាក់លើសញ្ញាណាមួយនៃកង្វះជីវជាតិ ឬខ្វះអាហារូបត្ថម្ភ ដើម្បីដឹងថា កូនមានវីតាមីន និងជាតិរ៉ែគ្រប់គ្រាន់ ធំលូតលាស់ដោយសុខភាពល្អ។

១- សញ្ញាប្រាប់ថាក្មេងខ្វះអាហារូបត្ថម្ភ

– ធាត់
– ធ្មេញមានប្រហោង
– ធ្មេញដុះច្រពើសប្រញឹកគ្នា
–ឧស្សាហ៍ផ្ដាសាយ
– បាក់ទឹកចិត្ត និងថប់បារម្ភ
– រពឹសជ្រុល នៅមិនស្ងៀម
– ប្រព័ន្ធលលាដ៍ក្បាលអន់ មិនល្អ “ក្បាលសំប៉ែត”
– ស្បែក/រោមស្ងួត (បង្កដោយកង្វះវីតាមីនរលាយក្នុងខ្លាញ់មានវីតាមីន A, D, E និង K2)
– មានភាពយឺតយ៉ាវ ក្រចេះនិយាយ (ទាក់ទងកង្វះវីតាមីន B12)
– អារម្មណ៍រញ៉ាំរញ៉ូវ ឬមិនទៀងទាត់ (ញុំាខ្លាញ់ដែលផ្ដល់សុខភាពល្អមាន អូមេហ្គា៣ នៅក្នុងត្រីសមុទ្រ ជាពិសេសត្រីសាល់ម៉ុន មិនមែនត្រីចិញ្ចឹម និងប៊័រ ឬប្រេងដូងធ្វើឲ្យអារម្មណ៍នឹងន។

Cute asian toddler sitting on the floor playing with colorful toys in a cozy living room, showcasing joyful childhood moments.

២- កង្វះជីវជាតិលើទារក និងក្មេងតូច

– វីតាមីន K៖ បើទារកកើតក្នុងពេទ្យ បានចាក់ថ្នាំផ្ទុកវីតាមីន K ក្រោយកើត ។ ការចាក់វីតាមីន K ភ្លាមៗក្រោយកើតនេះ គឺដើម្បីបង្ការជំងឺហូរឈាមក្នុងខួរក្បាល ដែលមានលើទារកទើបកើត។

– ជាតិដែក៖ ពេលមានគភ៌ ទារកកំពុងលូតលាស់ ត្រូវការជាតិដែក ហើយតាមធម្មតាទទួលតាមរយៈឈាមម្តាយ។ កង្វះជាតិដែកអាចមានផលវិបាកធ្ងន់ធ្ងរ ដូចជា ជំងឺស្លេកស្លាំង ការអភិវឌ្ឍខួរក្បាលថយចុះ និងហានិភ័យស្លាប់កាន់តែខ្ពស់។

– វីតាមីន A៖ ទឹកដោះម្តាយជាប្រភពធម្មជាតិនៃវីតាមីន A ដែលបង្ការទារកពីកង្វះវីតាមីន A ។ ស្រីៗមានផ្ទៃពោះ មិនគួរប្រើវីតាមីន A លើសកម្រិតដែលគេណែនាំឡើយ។ ទារកក្នុងផ្ទៃអាចខូចរូបរាងខុសប្រក្រតី បើប្រើវីតាមីន A លើសកម្រិត។

– រ៉ែស័ង្កសី៖ សញ្ញាខ្វះជាតិស័ង្កសី មានចំណង់ញុំាថយចុះ មុខងារប្រព័ន្ធភាពស៊ាំចុះទាប មានសកម្មភាពតិច និងលូតលាស់យឺត។ ទម្ងន់ខ្លួនតិចពេកពេលកើត មានទំហំតូចពេកមិនសមអាយុគភ៌ និងទារកកើតមិនគ្រប់ខែ ប្រឈមហានិភ័យខ្វះជាតិស័ង្កសី។

– វីតាមីន D៖ ទារកអាចប្រឈមហានិភ័យខ្វះវីតាមីន D បើសិន៖

មិនប៉ះពន្លឺថ្ងៃគ្រប់គ្រាន់ ដែលជាប្រភពធម្មជាតិនៃវីតាមីន D។ ត្រូវដឹងថា ម៉ាក់ៗ និងទារកដែលមានស្បែកកាន់តែក្រមៅ ទាមទារត្រូវការពន្លឺថ្ងៃច្រើន បើធៀបនឹងម៉ាក់ៗដែលមានសម្បុរស្បែកភ្លឺ (ស) ជាង។
ម៉ាក់ៗ មិនមានវីតាមីន D គ្រប់គ្រាន់ ដោយសារប៉ះតិចតួចនឹងពន្លឺថ្ងៃ ឬមិនញុំាថ្នាំបំប៉នវីតាមីន D បានគ្រប់គ្រាន់។ មានន័យថា ទឹកដោះម៉ាក់ៗ នឹងមិនមានវីតាមីន D គ្រប់គ្រាន់សម្រាប់ទារក និងបង្កើតឲ្យមានកង្វះវីតាមីន D។

បើគិតថាកូនយើងមានបញ្ហាកង្វះជីវជាតិអាហារូបត្ថម្ភនោះ សូមកុំស្ទាក់ស្ទើរទៅពេទ្យឯកទេសកុមារ។ បើមិនព្យាបាល កង្វះជីវជាតិអាហារូបត្ថម្ភ អាចបណ្ដាលឲ្យមានផលវិបាកធ្ងន់ធ្ងរ ដែលនឹងជះឥទ្ធិពលដល់សុខភាពទារកអស់មួយជីវិត។

ប្រសិនបើម៉ាក់បារម្ភថា កូនអាចខ្វះជាតិដែក ម៉ាក់ៗ គួរតែនាំកូនទៅពិគ្រោះជាមួយនឹងគ្រូពេទ្យជំនាញ ឬអាចចុចលីងខាងក្រោមនេះ ដើម្បីវាស់កម្រិតជាតិដែកកូនបណ្តោះអាសន្ន៖

https://konchhlatclub.com.kh/km/ida?utm_source=Online+IDA+Questionnaire+QR&utm_medium=Hello+Krupet&utm_campaign=IDA

អត្ថប្រយោជន៏ចូលរួមកូនឆ្លាតក្លឹប

វិធីសាស្រ្ត និងគន្លឹះផ្សេងៗតាមដំណាក់កាលនិមួយៗ សម្រាប់ដំណើរភាពជាអ្នកម្តាយ
កាដូអនុស្សាវរីយ៍ និងសៀវភៅអប់រំសម្រាប់អ្នកម្តាយពពោះ និងអ្នកម្តាយដែលមានកូនគ្រប់ ២ឆ្នាំ
ការពិគ្រោះជាមួយអ្នកប្រឹក្សាយោបល់ពីកូនឆ្លាតក្លឹប

ចុះឈ្មោះឥឡូវនេះ