?ts=1764641658989&fmt=webp-alpha&dpr=off)
វីតាមីន C ជួយឱ្យកុមារបឺតស្រូបយកជាតិដែកបានល្អ?
ជាតិដែក និងវីតាមីន C ជាសមាធាតុផ្សំ ២ យ៉ាង ដែលរាងកាយកុមារត្រូវការជាចាំបាច់ ដើម្បីជួយពង្រឹងដល់សុខភាពទូទៅរបស់ក្មេង។ ជាក់ស្តែង ជាតិដែក មានតួនាទីជួយបង្កើនកម្រិតកោសិកាឈាមក្រហមក្នុងរាងកាយ ដែលដឹកនាំអុកស៊ីសែននៅក្នុងឈាមសម្រាប់ជួយផ្តល់ថាមពល និងជំរុញមុខងារប្រព័ន្ធភាពស៊ាំ។ ចំណែកឯវីតាមីន C វិញ មានសមត្ថភាពជួយបង្កើនការស្រូបយកជាតិដែកប្រកបដោយប្រសិទ្ធភាព។
ពិតណាស់ ប្រសិនបើកុមារជួបបញ្ហាកង្វះសារធាតុដែក នោះនឹងអាចកើតជំងឺស្លេកស្លាំង ក៏ដូចជាប៉ះពាល់ដល់ការអភិវឌ្ឍទូទៅរបស់កុមារថែមទៀតផង។ ហេតុដូច្នេះហើយ ប៉ាម៉ាក់គប្បីជំរុញដល់ការបឺតស្រូបជាតិដែករបស់អាអូន តាមរយៈការបញ្ចូលនូវរបបអាហារដែលផ្ទុកទៅដោយវីតាមីន C។
អាហារដែលសម្បូរដោយវីតាមីន C មានដូចជា៖
១. ផ្លែត្របែក
ផ្លែឈើមួយប្រភេទនេះ ជាអាហារដែលមានជាតិអាស៊ីដ Ascorbic ខ្ពស់ ដែលផ្ដល់តម្លៃប្រចាំថ្ងៃ៤១៩% ព្រមទាំងអាហារជាតិសរសៃ៩ក្រាម និងប្រូតេអ៊ីន៤ នៅក្នុងទឹកត្របែក១ពែង។ ជាងនេះទៅទៀត ទឹកត្របែកគឺជាភេសជ្ជៈដ៏ល្អឯកក្នុងការផ្ដល់ជាតិទឹក វីតាមីនC ព្រមទាំងធ្វើឲ្យយើងស្រស់ស្រាយពេញមួយថ្ងៃ។
២. ផ្កាខាត់ណាខៀវ
ត្រឹមតែផ្កាខាត់ណាមួយពែងតូច មានផ្ទុកតម្លៃប្រចាំថ្ងៃនៃវីតាមីនC ចំនួន១១២% ជាតិសរសៃ៥ក្រាម និងប្រូតេអ៊ីនជិត៤ក្រាម។ ជាពិសេស ផ្កាខាត់ណាខៀវ ក៏ជាប្រភពនៃវីតាមីនK ផងដែរ។
៣. ផ្លែស្រ្តប៊ឺរី
ផ្លែឈើមួយប្រភេទនេះ មានផ្ទុកវីតាមីនC ច្រើនជាងផ្លែក្រូចទៅទៀត។ ជាមួយនឹងការញ៉ាំផ្លែស្រ្តប៊ឺរីត្រឹមតែមួយពែងប៉ុណ្ណោះ យើងនឹងទទួលបានតម្លៃប្រចាំថ្ងៃចំនួន១០៨% នៃវីតាមីនC និងជាតិសរសៃចំនួន៣ក្រាម។
៤. ផ្លែក្រូច
ទឹកក្រូចមានផ្ទុកសារធាតុចិញ្ចឹមសំខាន់ៗជាច្រើន រួមទាំងកាល់ស្យូម និងវីតាមីនD ។ នៅក្នុងផ្លែក្រូចមួយពែងមានផ្ទុកតម្លៃប្រចាំថ្ងៃនៃវីតាមីនC ចំនួន១០៦%។ យ៉ាងណាមិញ ផ្លែឈើប្រភេទនេះក៏មានកម្រិតជាតិស្ករខ្ពស់ផងដែរ ដូចនេះហើយ យើងគប្បីញ៉ាំវានៅក្នុងបរិមាណសមល្មមទើបជាការប្រសើរ។
៥. ផ្លែល្ហុង
ជាមួយគ្នានេះដែរ ផ្លែល្ហុងមួយពែងមានផ្ទុកវីតាមីនC ចំនួន៩៥%នៃតម្លៃប្រចាំថ្ងៃ។ បន្ថែមពីនេះ វាក៏ជាប្រភពនៃវីតាមីនA និងLycopeneដែលជាសារធាតុប្រឆាំងអុកស៊ីតកម្មដ៏មានឥទ្ធិពល និងអាចកាត់បន្ថយហានិភ័យនៃជំងឺគ្រោះថ្នាក់សរសៃឈាមខួរក្បាល។
៦. ម្នាស់
ម្នាស់គឺជាប្រភេទផ្លែឈើដ៏ឆ្ងាញ់ពិសា ព្រមទាំងមានបរិមាណវីតាមីនC ខ្ពស់ ដល់ទៅ៨៨%នៃតម្លៃប្រចាំថ្ងៃក្នុងមួយពែង។ ដូច្នេះហើយ គ្នាយើងមិនគួររំលងផ្លែឈើមួយប្រភេទនេះទេ។
៧. ផ្លែស្វាយ
ផ្លែស្វាយទុំមានរសជាតិផ្អែមឆ្ងាញ់ ហើយវាក៏ជាផ្លែឈើដែលមានជាតិស្ករខ្ពស់ ដែរ។ បន្ថែមពីនេះ វាមានផ្ទុកសារធាតុចិញ្ចឹម ក៏ដូចជាវីតាមីនC ចំនួន៦៧%នៃតម្លៃប្រចាំថ្ងៃ។ លើសពីនេះ ផ្លែស្វាយក៏មានផ្ទុកបរិមាណប៉ូតាស្យូម វីតាមីនA, E និងK តិចតួចផងដែរ៕
ប្រសិនបើម៉ាក់បារម្ភថា កូនអាចខ្វះជាតិដែក ម៉ាក់ៗ គួរតែនាំកូនទៅពិគ្រោះជាមួយនឹងគ្រូពេទ្យជំនាញ ឬអាចចុចលីងខាងក្រោមនេះ ដើម្បីវាស់កម្រិតជាតិដែកកូនបណ្តោះអាសន្ន៖
https://konchhlatclub.com.kh/km/ida?utm_source=Online+IDA+Questionnaire+QR&utm_medium=Hello+Krupet&utm_campaign=IDA
អត្ថប្រយោជន៏ចូលរួមកូនឆ្លាតក្លឹប
- វិធីសាស្រ្ត និងគន្លឹះផ្សេងៗតាមដំណាក់កាលនិមួយៗ សម្រាប់ដំណើរភាពជាអ្នកម្តាយ
- កាដូអនុស្សាវរីយ៍ និងសៀវភៅអប់រំសម្រាប់អ្នកម្តាយពពោះ និងអ្នកម្តាយដែលមានកូនគ្រប់ ២ឆ្នាំ
- ការពិគ្រោះជាមួយអ្នកប្រឹក្សាយោបល់ពីកូនឆ្លាតក្លឹប
ចង់ដឹងបន្ថែមអំពីកូនឆ្លាតក្លឹប? ទាក់ទងមកឥលូវនេះតាមប្រព័ន្ធទំនាក់ទំនងខាងក្រោម
អត្ថបទពិសេស
ស្វែងយល់ពីគន្លឹះបន្ថែមទៀតពីប្រធានបទកុមារ