?ts=1764641658989&fmt=webp-alpha&dpr=off)
ហេតុអ្វីបានជាតិដែកមានសារៈសំខាន់ខ្លាំង ចំពោះកុមារ?
ប៉ាម៉ាក់ដឹងអត់ថា ជាតិដែកជាសារធាតុចិញ្ចឹមដ៏សំខាន់មួយដែលកុមារតូចៗមិនអាចខ្វះបាន។ ជាទូទៅ កុមារត្រូវការស្រូបយកជាតិដែកច្រើនជាងមនុស្សធំ ដើម្បីជំនួយដល់ការលូតលាស់របស់ពួកគេ ពោលគឺរហូតដល់ពួកគេមានវ័យ៥ឆ្នាំ។
ជាតិដែកមានតួនាទី និងមានអត្ថប្រយោជន៍អ្វីខ្លះ?
ជាតិដែក មានសារៈសំខាន់ក្នុងការផលិតគ្រាប់ឈាមក្រហម ដឹកនាំអុកស៊ីសែនទៅគ្រប់សព្វសារពាង្គកាយ និងសំយោគអ័រម៉ូនមួយចំនួន។
មិនត្រឹមតែប៉ុណ្ណោះ សារធាតុចិញ្ចឹមមួយប្រភេទនេះ ក៏ផ្តល់អត្ថប្រយោជន៍ដល់សុខភាពហួសពីការស្មាន ផងដែរ ដែលរួមមាន៖
ទ្រទ្រង់ប្រព័ន្ធភាពស៊ាំ
បំប៉នស្បែក
កាត់បន្ថយស្នាមដក់ក្រោមភ្នែក
ជួយឲ្យគេងលក់ស្កប់ស្កល់
កាត់បន្ថយបញ្ហាស្លេកស្លាំង។
អាហារអ្វីខ្លះដែលសម្បូរជាតិដែក?
អ្នកជំនាញអាហារូបត្ថម្ភបានឲ្យដឹងថា មានកុមារតូចៗជាច្រើនមិនបានទទួលជាតិដែកគ្រប់គ្រាន់ពីរបបអាហាររបស់ខ្លួន ដែលអាចបណ្តាលឲ្យក្មេងប្រឈមនឹងជំងឺស្លេកស្លាំងដោយសារកង្វះជាតិដែក។ ប៉ាម៉ាក់អាចសង្កេតមើលរោគសញ្ញាមួយចំនួន ដែលបញ្ជាក់ថាក្មេងខ្វះជាតិដែក ដូចខាងក្រោម៖
ស្បែកស្លេកស្លាំង
អស់កម្លាំង
ចង្វាក់បេះដូងលោតញាប់
ឈឺ ឬហើមអណ្តាត។ល។
ហេតុនេះហើយ ប្រសិនបើប៉ាម៉ាក់សង្កេតឃើញថា អាអូនអាចខ្វះជាតិដែក ប៉ាម៉ាក់គួរបំពេញជាតិដែកដល់កូន តាមរយៈរបបអាហារមួយចំនួនខាងក្រោម៖
សាច់មាន់ សាច់ក្រហមដែលគ្មានខ្លាញ់
ថ្លើមសត្វ
ស៊ុត
ពពួកសាច់ត្រី ដូចជាត្រីសាល់ម៉ុន ត្រីធូណា
បន្លែស្លឹកបៃតង ដូចជាស្ពៃពួយឡេង និងផ្កាខាត់ណាខៀវ។
ដើម្បីស្វែងយល់បន្ថែមពីអាហារដែលសម្បូរដោយជីវជាតិ និងសារធាតុចិញ្ចឹម ដែលជួយឲ្យកូនរបស់លោកអ្នក មានការលូតលាស់ល្អក៏ដូចជា ជួយដល់ការអភិវឌ្ឍខួរក្បាលរបស់ពួកគេ សូមចុចទីនេះ ឬ លោកអ្នកអាចចុះឈ្មោះជាសមាជិក កូនឆ្លាតក្លឹប បានដើម្បីទទួលបានវត្ថុអនុស្សាវរីយ៍ សៀវភៅអប់រំ និងការប្រឹក្សាយោបល់ដោយឥតគិតថ្លៃបាន។
បញ្ជាក់៖ រាល់ព័ត៌មានដែលវេបសាយយើងចេញផ្សាយចែករំលែកចំណេះដឹងប៉ុណ្ណោះ ហើយព័ត៌មានទាំងនោះ មិនអាចជំនួសដំបូន្មានពីពេទ្យជំនាញ ចំពោះស្ថានភាពសុខភាពជាក់ស្ដែងរបស់អ្នកជំងឺឡើយ។ ដូច្នេះមិនត្រូវបោះបង់ មិនស្ដាប់ដំបូន្មាន ពន្យារពេល ឬមិនទៅជួបពិគ្រោះយោបល់ជាមួយគ្រូពេទ្យ ដោយសារអ្នកបានអានព័ត៌មានណាមួយលើវិបសាយនេះឡើយ។ រាល់ពេលចាប់ផ្ដើមវិធីសាស្ត្រព្យាបាលណាមួយ ត្រូវប្រាកដថា បានពិគ្រោះ និងទទួលការអនុញ្ញាតពីគ្រូពេទ្យជំនាញ៕
អត្ថប្រយោជន៏ចូលរួមកូនឆ្លាតក្លឹប
- វិធីសាស្រ្ត និងគន្លឹះផ្សេងៗតាមដំណាក់កាលនិមួយៗ សម្រាប់ដំណើរភាពជាអ្នកម្តាយ
- កាដូអនុស្សាវរីយ៍ និងសៀវភៅអប់រំសម្រាប់អ្នកម្តាយពពោះ និងអ្នកម្តាយដែលមានកូនគ្រប់ ២ឆ្នាំ
- ការពិគ្រោះជាមួយអ្នកប្រឹក្សាយោបល់ពីកូនឆ្លាតក្លឹប
ចង់ដឹងបន្ថែមអំពីកូនឆ្លាតក្លឹប? ទាក់ទងមកឥលូវនេះតាមប្រព័ន្ធទំនាក់ទំនងខាងក្រោម
អត្ថបទពិសេស
ស្វែងយល់ពីគន្លឹះបន្ថែមទៀតពីប្រធានបទកុមារ