តើខ្ញុំគួរញ៉ាំអាហារប្រភេទអ្វីក្នុងពេលមានផ្ទៃពោះ?

តើអ្នកម្តាយពពោះត្រូវទទួលទានអាហារប្រភេទណា?

ពេលពពោះ កូនក្នុងផ្ទៃត្រូវទទួលយកសារធាតុចិញ្ចឹមទាំងអស់ពីរបបអាហារដែលម៉ាក់ៗបានញ៉ាំ ដើម្បីការលូតលាស់ និងការអភិវឌ្ឍ។ ដើម្បីធានាថាស្រ្តីពពោះ និងគភ៌ក្នុងផ្ទៃមានសុខភាពល្អ រឹងមាំ សំខាន់បំផុត យើងគួរញ៉ាំអាហារមានសុខភាពល្អ និងមានតុល្យភាព។

របបអាហារពីរ៉ាមីត

របបអាហារបែបពីរ៉ាមីតត្រូវបានប្រើជាគោលការណ៍ណែនាំដ៏មានប្រយោជន៍មួយសម្រាប់វាស់វែងថាតើអ្នកទទួលទានក្រុមអាហារផ្សេងៗបានគ្រប់គ្រាន់ដើម្បីឲ្យមានសុខភាពល្អដែរឬទេ។

គន្លឹះសំខាន់ៗនៃរបប

អាហារជួយយើងទទួលបានអាហារសុខភាពល្អ មានដូចជា៖

ជ្រើសរើសអាហារ ពីក្រុមអាហារផ្សេងៗគ្នា ដើម្បីធានាថា យើងទទួលបានអាហារមានតុល្យភាព។
សួរគ្រូពេទ្យពីថ្នាំបំប៉នបន្ថែម បើសិនជាយើងបារម្ភថា មិនបានញ៉ាំអាហារ តាមក្រុមរបបអាហារពីរ៉ាមីត។
របបអាហារត្រូវញ៉ាំឲ្យបាន ៣ដង និងអាហារសម្រន់ ២-៣ ដងក្នុងមួយថ្ងៃ។
ញ៉ាំផ្លែឈើ និងបន្លែ គ្រាប់ធញ្ញជាតិ និងសណ្តែក ដើម្បីជាជំនួយបង្កើនជាតិសរសៃក្នុងរាងកាយឲ្យបានគ្រប់គ្រាន់។
ផឹកទឹកឲ្យបានទៀងទាត់ ដោយយ៉ាងហោចណាស់ផឹកឲ្យបាន ៨ កែវ/ថ្ងៃ។
ផឹកភេសជ្ជៈដទៃទៀតអំឡុងពេលញ៉ាំអាហារ ដូចជាទឹកដោះគោមានជាតិខ្លាញ់ទាប ទឹកផ្លែឈើស្រស់ និងញ៉ាំស៊ុបឲ្យបានច្រើន។
ញ៉ាំពពួកត្រីសម្បូរអាស៊ីដខ្លាញ់អូមេហ្គា ៣ (Oily Fish) និងពពួកត្រីសាច់ស (White Fish) យ៉ាងហោចណាស់ឲ្យបានម្ដងក្នុងមួយសប្ដាហ៍ ប៉ុន្តែត្រូវចៀសវាងត្រីឆ្លាម និងពពួកត្រីដាវ ដូចជា Swordfish និង Marlin ព្រោះត្រីទាំងនេះ សម្បូរជាតិបារត អាចប៉ះពាល់ដល់សុខភាពទាំងម៉ាក់ៗ និងគភ៌ក្នុងផ្ទៃ។
ប្រើប្រេងរុក្ខជាតិសម្រាប់ចម្អិនម្ហូប ដូចជា ប្រងពោត ប្រេងអូលីវ និងប្រេងផ្កាឈូករ័ត្នជាដើម ប៉ុន្តែទោះជាប្រេងរុក្ខជាតិក៏ដោយ ត្រូវប្រើក្នុងកម្រិតតិចតួចបានហើយ។- កម្រិតបរិមាណអាហារកែច្នៃយើងញ៉ាំ និងអាហាររក្សាទុក ដែលមានផ្ទុកជាតិអំបិលច្រើន។
កាត់បន្ថយការផឹកជាតិកាហ្វេអ៊ីន ដូចជា កាហ្វេ ឬតែ កុំឲ្យលើសពី ៤ ពែង/ថ្ងៃ។
កំណត់ការញ៉ាំបង្អែម នំស្រួយ នំខេក នំពារ អាហារខ្លាញ់ ប្រេង និងស្ករ ព្រោះអាហារទាំងនេះមានកាឡូរីខ្ពស់ និងគ្មានអាហារូបត្ថម្ភល្អដែលម៉ាក់ៗ និងគភ៌ក្នុងផ្ទៃ ត្រូវការឡើយ។ ញ៉ាំច្រើនពពួកអាហារទាំងនោះលើសកម្រិត អាចធ្វើឲ្យស្រី្តៗ ពិបាកមានគភ៌នៅពេលក្រោយ ហេតុនេះត្រូវព្យាយាម កុំញ៉ាំអាហារទាំងនេះញឹកញាប់ពេក។

ដើម្បីទទួលបានចំណេះដឹងដែលមានជំនាញអាហារូបត្ថម្ភក្នុងការផ្តល់វិធីសាស្រ្ត និងគន្លឹះផ្សេងៗ សម្រាប់ដំណើរភាពជាអ្នកម្តាយ។ ចុះឈ្មោះឥលូវនេះដើម្បីទទួលបានចំណេះដឹង បទពិសោធន៍ និងកាដូពីកូនឆ្លាតក្លឹបថ្ងៃនេះ!

បញ្ជាក់៖ រាល់ព័ត៌មានដែលវេបសាយយើងចេញផ្សាយចែករំលែកចំណេះដឹងប៉ុណ្ណោះ ហើយព័ត៌មានទាំងនោះ មិនអាចជំនួសដំបូន្មានពីពេទ្យជំនាញ ចំពោះស្ថានភាពសុខភាពជាក់ស្ដែងរបស់អ្នកជំងឺឡើយ។ ដូច្នេះមិនត្រូវបោះបង់ មិនស្ដាប់ដំបូន្មាន ពន្យារពេល ឬមិនទៅជួបពិគ្រោះយោបល់ជាមួយគ្រូពេទ្យ ដោយសារអ្នកបានអានព័ត៌មានណាមួយលើវិបសាយនេះឡើយ។ រាល់ពេលចាប់ផ្ដើមវិធីសាស្ត្រព្យាបាលណាមួយ ត្រូវប្រាកដថា បានពិគ្រោះ និងទទួលការអនុញ្ញាតពីគ្រូពេទ្យជំនាញ៕

អត្ថប្រយោជន៏ចូលរួមកូនឆ្លាតក្លឹប

វិធីសាស្រ្ត និងគន្លឹះផ្សេងៗតាមដំណាក់កាលនិមួយៗ សម្រាប់ដំណើរភាពជាអ្នកម្តាយ
កាដូអនុស្សាវរីយ៍ និងសៀវភៅអប់រំសម្រាប់អ្នកម្តាយពពោះ និងអ្នកម្តាយដែលមានកូនគ្រប់ ២ឆ្នាំ
ការពិគ្រោះជាមួយអ្នកប្រឹក្សាយោបល់ពីកូនឆ្លាតក្លឹប

ចុះឈ្មោះឥឡូវនេះ