មូលហេតុឈឺចង្កេះ

ភាគច្រើនអ្នកម្តាយពពោះ សុទ្ធតែជួបបញ្ហាឈឺចង្កេះជាពិសេសនៅអំឡុងត្រីមាសទី ៣។ អាការៈនេះបណ្តាលមកពីទម្ងន់ស្បូនរបស់អ្នកសង្កត់ទៅលើសាច់ដុំខ្នង ហើយស្របពេលរាងកាយកំពុងត្រៀមខ្លួនសម្រាលកូន សរសៃតឆ្អឹងសន្លាក់របស់អ្នកចាប់ផ្ដើមទន់ជាងធម្មតា ដែលធ្វីឲ្យអ្នកមានអាការឈឺចាប់នៅត្រគាក។

វិធីដើម្បីបង្ការបញ្ហាឈឺចង្កេះ

ចំណុចសំខាន់ យើងត្រូវថែរក្សាសុខភាពរាងកាយឲ្យបានត្រឹមត្រូវ តាមរយៈកត្តា និងសកម្មភាពប្រចាំថ្ងៃមួយចំនួនដូចជា៖

ពេលអង្គុយ និងដេកគួរដាក់ខ្នើយទ្រាប់ខ្នង ដើម្បីជាជំនួយនៅពេលយើងអង្គុយ។
គួរគេងដាក់ខ្នើយនៅចន្លោះជង្គង់ទាំងពីរ និងព្យាយាមគេងឲ្យបានត្រឹមត្រូវ ហើយត្រូវច្បាស់ថាមានអារម្មណ៍ថាស្រួលខ្លួន មិនតានតឹង។
គួរពាក់ស្បែកជើងរាបស្មើ ឬស្បែកជើងណា អាចធ្វើឲ្យយើងមានអារម្មណ៍ផាសុកភាពបាន ព្រោះជួយកាត់បន្ថយសម្ពាធលើសរសៃពួរជើង មិនធ្វើឲ្យឈឺឆ្អឹងខ្នង។
រក្សាទម្ងន់ឲ្យមានស្ថិរភាព អាចជួយបន្ធូរការឈឺចាប់នៅចង្កេះបាន។
ចៀសវាងលើករបស់ធ្ងន់ៗ៖ ហើយនៅពេលយើងចង់លើកអ្វីមួយ ត្រូវបត់ខ្លួនពីជង្គង់ ។
ស្បែកជើង៖ ស្បែកជើង ក៏សំខាន់ផងដែរ ព្រោះថាស្រ្តីៗពពោះខ្លះ ចូលចិត្តស្បែកជើងរាបស្មើ ខ្លះទៀតចូលចិត្តពាក់ស្បែកជើងមានកែងទាប។ ទោះជាយ៉ាងណា សំខាន់គឺត្រូវជ្រើសរើសយកស្បែកជើងណា អាចធ្វើឲ្យយើងមានអារម្មណ៍ផាសុកភាពបាន ព្រោះជួយកាត់បន្ថយសម្ពាធលើសរសៃពួរជើង មិនធ្វើឲ្យឈឺឆ្អឹងខ្នង។
រក្សាទម្ងន់ឲ្យមានស្ថិរភាព អាចជួយបន្ធូរការឈឺចាប់នៅចង្កេះបាន។ អ្នកអាចចូលរួមថ្នាក់ហាត់ប្រាណស្រាលៗ យ៉ូហ្កាសម្រាប់ស្ត្រីពោះ ឬហែលទឹក ឬដើរក៏បាន ព្រោះអាចជួយបង្ការការឡើងទម្ងន់លើសកម្រិត។

វិធីព្យាបាលអាការៈឈឺចង្កេះពេលពពោះ

ក្នុងករណីដែលយើងអនុវត្តន៍វិធីបង្ការនៅចំណុចទី២ ហើយនៅតែមានអាការឈឺចាប់មិនបាត់ នោះអាចសាក វិធីព្យាបាលវិញម្ដង។ ជម្រើសយកមកព្យាបាលការឈឺខ្នងនេះមានដូចជា៖

ប្រើឧបករណ៍ជួយទ្រត្រគាក និងពោះ៖ យើងអាចបន្ធូរភាពតានតឹងនៅខ្នង ដោយការដេកចំហៀងជាមួយដាក់ខ្នើយស្តើងនៅពីក្រោមពោះ។ បើមានការឈឺចាប់ខ្លាំង អាចពាក់ខ្សែក្រវ៉ាត់ជំនួយពិសេសនៅពេលថ្ងៃ ហើយត្រូវទៅពិគ្រោះជាមួយគ្រូពេទ្យ។
ប្រើទឹកក្តៅ ទឹកត្រជាក់៖ ងូតទឹកក្តៅ ឬផឹកទឹកក្តៅ អាចជួយសម្រាលអាការៈឈឺចង្កេះបាន ខណៈគ្នាយើងកំពុងពពោះខ្លះ ចូលចិត្តប្រើទឹកកក (កញ្ចប់ទឹកកក) ដើម្បីបន្ធូរការឈឺចាប់បានដូចគ្នា។
ម៉ាស្សា៖ ម៉ាស្សាថ្នមៗ មានប្រសិទ្ធភាពទៅលើការឈឺចាប់សាច់ដុំ ប៉ុន្តែការម៉ាស្សាធម្មតា ដោយប្រើប្រេង មិនសក្ដិសមសម្រាប់ស្រ្តីពពោះទេ ហេតុនេះត្រូវពិភាក្សាជាមួយគ្រូពេទ្យ ឬអ្នកជំនាញផ្នែកម៉ាស្សា មុនពេលចាប់ផ្ដើមម៉ាស្សា។

ដើម្បីស្វែងយល់បន្ថែមពីអាហារដែលសម្បូរដោយជីវជាតិ និងសារធាតុចិញ្ចឹម ដែលជួយឲ្យកូនរបស់លោកអ្នក មានការលូតលាស់ល្អក៏ដូចជា ជួយដល់ការអភិវឌ្ឍខួរក្បាលរបស់ពួកគេ សូមចុចទីនេះ ឬ លោកអ្នកអាចចុះឈ្មោះជាសមាជិក កូនឆ្លាតក្លឹប បានដើម្បីទទួលបានវត្ថុអនុស្សាវរីយ៍ សៀវភៅអប់រំ និងការប្រឹក្សាយោបល់ដោយឥតគិតថ្លៃបាន។

បញ្ជាក់៖ រាល់ព័ត៌មានដែលវេបសាយយើងចេញផ្សាយចែករំលែកចំណេះដឹងប៉ុណ្ណោះ ហើយព័ត៌មានទាំងនោះ មិនអាចជំនួសដំបូន្មានពីពេទ្យជំនាញ ចំពោះស្ថានភាពសុខភាពជាក់ស្ដែងរបស់អ្នកជំងឺឡើយ។ ដូច្នេះមិនត្រូវបោះបង់ មិនស្ដាប់ដំបូន្មាន ពន្យារពេល ឬមិនទៅជួបពិគ្រោះយោបល់ជាមួយគ្រូពេទ្យ ដោយសារអ្នកបានអានព័ត៌មានណាមួយលើវិបសាយនេះឡើយ។ រាល់ពេលចាប់ផ្ដើមវិធីសាស្ត្រព្យាបាលណាមួយ ត្រូវប្រាកដថា បានពិគ្រោះ និងទទួលការអនុញ្ញាតពីគ្រូពេទ្យជំនាញ៕

អត្ថប្រយោជន៏ចូលរួមកូនឆ្លាតក្លឹប

វិធីសាស្រ្ត និងគន្លឹះផ្សេងៗតាមដំណាក់កាលនិមួយៗ សម្រាប់ដំណើរភាពជាអ្នកម្តាយ
កាដូអនុស្សាវរីយ៍ និងសៀវភៅអប់រំសម្រាប់អ្នកម្តាយពពោះ និងអ្នកម្តាយដែលមានកូនគ្រប់ ២ឆ្នាំ
ការពិគ្រោះជាមួយអ្នកប្រឹក្សាយោបល់ពីកូនឆ្លាតក្លឹប

ចុះឈ្មោះឥឡូវនេះ