ការហាត់ប្រាណអំឡុងពពោះ

ត្រូវពិភាក្សាជាមួយគ្រូពេទ្យ មុនពេលចាប់ផ្ដើមហាត់ប្រាណវិធីណាមួយអំឡុងពេលមានផ្ទៃពោះ

ការហាត់ប្រាណអំឡុងពពោះ ផ្ដល់ប្រយោជន៍សុខភាពយ៉ាងច្រើន និងជួយរក្សាទម្ងន់រាងកាយនៅពេលពពោះ

ក៏ដូចជាជួយបង្កើនកម្រិតថាមពលរបស់អ្នកផងដែរ។ ការធ្វើលំហាត់ប្រាណស្រាលៗអាចជួយដូចជា៖

កាត់បន្ថយអាការមិនស្រួលខ្លួនមួយចំនួន ដូចជា បញ្ហាទល់លាមក រមួលក្រពើ និងឈឺខ្នង
ធ្វើឲ្យមានអារម្មណ៍រឹងមាំជាងមុន និងជួយដោះស្រាយការងារប្រចាំថ្ងៃបាន
ជួយឲ្យគេងលក់ស្រួល
កាត់បន្ថយភាពតានតឹង និងទប់ស្កាត់ភាពភ័យខ្លាចអំឡុងពេលពពោះ
ជួយឲ្យមើលទៅស្រស់ស្អាត និងមានអារម្មណ៍ល្អ
អាចជួបមនុស្សច្រើន ដែលនឹងក្លាយជាម៉ាក់ៗគេ ដូចអ្នកនៅពេលខាងមុខ
ជួយឲ្យរាងកាយឆាប់ត្រលប់មកសភាពធម្មតាវិញលឿនជាងមុន បន្ទាប់ពីសម្រាលកូនរួច
ជួយឲ្យអ្នកម្ដាយអាចត្រៀមខ្លួនជាស្រេចដើម្បីសម្រាលកូន

វិធីហាត់ប្រាណប្រភេទណាមានសុវត្ថិភាពពេលពពោះ ?

ថ្មីៗនេះ បើអ្នកមិនបានធ្វើលំហាត់ប្រាណទេនោះ អ្នកក៏មិនគួរចាប់ផ្តើមធ្វើការហាត់ប្រាណណាថ្មី ដោយគ្មានការណែនាំពីគ្រួពេទ្យនោះឡើយ។ គ្រប់លំហាត់ប្រាណទាំងអស់ បើចង់ហាត់ ត្រូវជ្រើសយកវិធីហាត់ប្រាណណា មានផលប៉ះពាល់តិចតួចបំផុតចំពោះការពពោះអ្នក និងកូនក្នុងផ្ទៃ ដូច្នេះអ្នកសាកវិធីស្រាលៗ ដូចជា៖

ហាត់កាយវិការ Pilates ឬយ៉ូហ្កា៖ គួរជ្រើសការហាត់ការដកដង្ហើម និងបន្ធូរសាច់ដុំ ល្អជាជាងការហាត់កាយវិការណា យើងមិនអាចហាត់បាន ដូចជា ការបត់កជើង លើកទៅក្រោយត្រចៀកជាដើម។
ការដើរ ឬរត់យឺតៗ
ហែលទឹក
ថ្នាក់បង្រៀនវិធីហាត់ប្រាណ ឬថ្នាក់ហែរទឹក សម្រាប់ស្រ្តីៗមានផ្ទៃពោះ ដែលអាចដូចនឹងហាត់ប្រាណវិធី Aerobics ក្នុងទឹកដែរ ប៉ុន្តែថ្នាក់ហាត់ប្រាណពិសេសសម្រាប់ស្រ្តីៗមានផ្ទៃពោះប៉ុណ្ណោះ។
រាំ
ជិះកង់ ជាវិធីហាត់ប្រាណមានសុវត្ថិភាពសម្រាប់ស្រ្តីៗគ្នាយើងកំពុងពពោះ ប៉ុន្តែយើងត្រូវជ្រើសរើសយក ផ្លូវដែលរាបស្មើ និងរកមើលកង់មានកែបទន់ ឬកែបមានដាក់ខ្នើយដើម្បីជិះ។ ចំពោះស្រ្តីមានផ្ទៃពោះ ក្នុងត្រីមាសចុងក្រោយ វាមានសុវត្ថិភាពជាងបើអ្នកជ្រើសរើសយកឧបករណ៍ ធាក់កង់នៅតាមផ្ទះ (ដែលដាក់នៅមួយកន្លែង) ដើម្បីការពារករណីដួល ធ្លាក់ ដោយសារមានការប៉ះទង្គិចអ្វីមួយនាំឲ្យរាងកាយ បាត់បង់នូវលំនឹង។
ហាត់លើកទម្ងន់៖ យើងក៏អាចហាត់ប្រាណលើកទម្ងន់បាន អំឡុងពេលពពោះ បើធ្លាប់ហ្វឹកហាត់ បែបនេះពីមុន។ យ៉ាងណា ត្រូវប្រើទម្ងន់ និងកាយវិការខុសៗគ្នា និងត្រូវបញ្ឈប់នៅពេលហាត់បែបនេះ នៅពេលថ្ងៃសម្រាលជិតមកដល់ ហើយគួរចៀសវាង លើកទម្ងន់ណាខ្ពស់ជាងក្បាល ឬពីលើពោះ ព្រោះអាចបង្កគ្រោះថ្នាក់ទាំងខ្លួនយើង និងគភ៌ក្នុងផ្ទៃ។

រាំ៖ ក៏ជាវិធីហាត់ប្រាណល្អមួយ សក្ដិសមសម្រាប់ស្រ្តីៗគ្នាយើងអនុវត្តអំឡុងពេលមានផ្ទៃពោះដូចគ្នា។

ថ្នាក់ហាត់ប្រាណអំឡុងពេលពពោះមានអ្វីខ្លះ?

បើចង់ចូលរៀនវគ្គហាត់ប្រាណអំឡុងពេលពពោះ អ្នកម្ដាយត្រូវប្រាកដថា បានប្រាប់គ្រូបង្វឹកដឹងជាមុន អ្នកកំពុងមានផ្ទៃពោះ។ ត្រូវពិភាក្សាជាមួយ គ្រូកីឡា ពីអ្វីដែលអ្នកត្រូវការឬអាចសាកសួរបន្ថែមថា តើគាត់មាន ជំនាញទៅលើលំហាត់ប្រាណសម្រាប់ស្រី្តពពោះដែរទេ ដើម្បីឲ្យដឹងកាន់តែច្បាស់ទៅលើ ដំបូន្មានពីអ្នកជំនាញ។

ការហាត់ប្រាណអំឡុងពេលពពោះដែលមានសុវត្ថិភាព

អ្វីដែលអ្នកត្រូវចងចាំគឺ៖

មិនត្រូវធ្វើឲ្យរាងកាយក្ដៅខ្លាំង ឬយូរពេកនោះទេ
ត្រូវពាក់អាវទ្រនាប់កីឡា និងទ្រនាប់ជើង
ញ៉ាំទឹកឲ្យបានច្រើន
ត្រូវរក្សាតុល្យភាពរវាងការឡើងទម្ងន់ និងដំណាក់កាលពពោះ
កុំធ្វើការងារច្រើនពេក ហើយត្រូវឈប់ភ្លាម បើមានអារម្មណ៍វិលមុខ ខ្សោយ រមួលក្រពើ អស់កម្លាំងខ្លាំង ឬក្តៅខ្លាំង។

វិធីហាត់ប្រាណ និងសកម្មភាពត្រូវចៀសវាងពេលពពោះ

ការណែនាំទូទៅចំពោះស្រ្តីៗមានផ្ទៃពោះត្រូវជៀសវាង ក្រែងបង្កគ្រោះថ្នាក់ជាយថាហេតុមានដូចជា៖

ជិះសេះ
ជិះស្គី
លើកវត្ថុធ្ងន់ៗ
ស្ពាយរបស់ពីក្រោយ
ជ្រមុជទឹក
កីឡាណាត្រូវប្រើកម្លាំងខ្លាំង មានសកម្មភាពជិតៗគ្នា ឬប្រឈមទីខ្ពស់។

ត្រូវពិភាក្សាជាមួយគ្រូពេទ្យ មុនពេលចាប់ផ្ដើមហាត់ប្រាណវិធីណាមួយអំឡុងពេលមានផ្ទៃពោះ។

ដើម្បីស្វែងយល់បន្ថែមពីអាហារដែលសម្បូរដោយជីវជាតិ និងសារធាតុចិញ្ចឹម ដែលជួយឲ្យកូនរបស់លោកអ្នក មានការលូតលាស់ល្អក៏ដូចជា ជួយដល់ការអភិវឌ្ឍខួរក្បាលរបស់ពួកគេ សូមចុចទីនេះ ឬ លោកអ្នកអាចចុះឈ្មោះជាសមាជិក កូនឆ្លាតក្លឹប បានដើម្បីទទួលបានវត្ថុអនុស្សាវរីយ៍ សៀវភៅអប់រំ និងការប្រឹក្សាយោបល់ដោយឥតគិតថ្លៃបាន។

បញ្ជាក់៖ រាល់ព័ត៌មានដែលវេបសាយយើងចេញផ្សាយចែករំលែកចំណេះដឹងប៉ុណ្ណោះ ហើយព័ត៌មានទាំងនោះ មិនអាចជំនួសដំបូន្មានពីពេទ្យជំនាញ ចំពោះស្ថានភាពសុខភាពជាក់ស្ដែងរបស់អ្នកជំងឺឡើយ។ ដូច្នេះមិនត្រូវបោះបង់ មិនស្ដាប់ដំបូន្មាន ពន្យារពេល ឬមិនទៅជួបពិគ្រោះយោបល់ជាមួយគ្រូពេទ្យ ដោយសារអ្នកបានអានព័ត៌មានណាមួយលើវិបសាយនេះឡើយ។ រាល់ពេលចាប់ផ្ដើមវិធីសាស្ត្រព្យាបាលណាមួយ ត្រូវប្រាកដថា បានពិគ្រោះ និងទទួលការអនុញ្ញាតពីគ្រូពេទ្យជំនាញ៕

អត្ថប្រយោជន៏ចូលរួមកូនឆ្លាតក្លឹប

វិធីសាស្រ្ត និងគន្លឹះផ្សេងៗតាមដំណាក់កាលនិមួយៗ សម្រាប់ដំណើរភាពជាអ្នកម្តាយ
កាដូអនុស្សាវរីយ៍ និងសៀវភៅអប់រំសម្រាប់អ្នកម្តាយពពោះ និងអ្នកម្តាយដែលមានកូនគ្រប់ ២ឆ្នាំ
ការពិគ្រោះជាមួយអ្នកប្រឹក្សាយោបល់ពីកូនឆ្លាតក្លឹប

ចុះឈ្មោះឥឡូវនេះ