ប្រសិនបើអ្នកមានអារម្មណ៍ធ្លាក់ទឹកចិត្ត: ការធ្លាក់ទឹកចិត្តមុន និងក្រោយកំណើត

ពិបាកចិត្តពេលពពោះប្រយ័ត្នជំងឺបាក់ទឹកចិត្តអាចប៉ះពាល់កូន

អំឡុងពេលពពោះ ស្រ្តីយើងមិនអាចគ្រប់គ្រងការប្រែប្រួលអ័រម៉ូននេះ ស្របពេលអ្នកមនុស្សគ្រប់រូបចាប់ផ្តើម សួរអ្នកពីនេះពីនោះពីពោះរបស់អ្នក ធ្វើឲ្យរំខានដល់ការរស់នៅប្រចាំថ្ងៃ។ វាធ្វើឲ្យអ្នកធុញទ្រាន់ មានអារម្មណ៍ មិនល្អ ឆាប់ហេវហត់អស់កម្លាំងជាងធម្មតា នោះជារឿងមិនចំលែកនោះទេ នៅពេលដែលអ្នកកំពុងមាន អាការចាញ់កូន និងត្រូវងើបទៅបន្ទប់ទឹកទាំងយប់អស់ជាច្រើនខែ។

ម៉ាក់ៗជាច្រើន អំឡុងពេលពពោះ មានអារម្មណ៍ថា ខ្លួនឯងមានកំហុស នៅពេលណាមួយ មានអារម្មណ៍មិន សប្បាយចិត្តព្រោះពួកគាត់គិតថាពេលពពោះគាត់គួរតែសប្បាយចិត្តដើម្បីបង្ហាញទៅដល់អ្នកដទៃ។ តែទោះជាយ៉ាងណាក៏ដោយ ត្រូវចាំថា មិនមែនមានតែយើងម្នាក់ឯង ដែលឆ្លងកាត់អារម្មណ៍នេះទេ ព្រោះអារម្មណ៍ប្រែប្រួល ចុះឡើងអំឡុងមានគភ៌ គឺកើតឡើងលើស្រ្តីៗគ្រប់ពេល ទោះពីមុនអ្នកម៉ាក់ជាមនុស្សចូលចិត្តលេងសើចសប្បាយ ក៏ដោយ។

ត្រូវព្យាយាមទប់អារម្មណ៍ កុំបណ្ដោយអារម្មណ៍ទាំងនេះធ្វើជាម្ចាស់ការលើយើងបាន។ ពេលមានអារម្មណ៍ មិនសប្បាយចិត្ត ឬមិនល្អ អ្នកគួរធ្វើអ្វីដែលឲ្យអ្នកសប្បាយចិត្ត ។ ដូចជាទៅកាត់សក់ ចេញទៅក្រៅទៅមើលកុន ងូតទឹកក្ដៅ និយាយរួម ធ្វើអី្វក៏ដោយ ឲ្យតែយើងសប្បាយចិត្តទៅបានហើយ។

កុំលាក់ទុកក្នុងចិត្តតែឯងអី

គ្រប់ពេលពពោះ ជាធម្មតាទេ ស្រ្តីៗតែងតែមានស្រ្តេស ដោយសារមានរឿងជាច្រើន ដែលអ្នកត្រូវគិតដូចជា ជីវិតគ្រួសារក្រោយពេលសម្រាលកូន ជីវិតសង្គម និងសូម្បីតែសុខភាពអ្នកម៉ាក់ផ្ទាល់ក៏ដូចគ្នា។ អ្នកគួរនិយាយ រឿងក្នុងចិត្តជាមួយដៃគូ គ្រួសារ ឬមិត្តភក្តិ វាអាចជួយឲ្យអារម្មណ៍ធូរស្រាល ក៏អាចឲ្យអ្នកជុំវិញខ្លួន យល់ពីអារម្មណ៍យើងបានកាន់ច្រើន។

ត្រូវចាំថាប្ដីរបស់អ្នក តែងនៅក្បែរ និងគាំទ្រយើង ស្ដាប់នូវអ្វីដែលយើងនិយាយ និងផ្ដល់យោបល់ជួយអ្នក ជានិច្ច។ ហេតុនេះអ្នកអាចនិយាយរឿងក្នុងចិត្តទាំងអស់ប្រាប់គាត់ នឹងធ្វើឲ្យអ្នកបានធូរក្នុងចិត្ត មានទំនុកចិត្ត មានភាពកក់ក្ដៅ ដោយដឹងថាមានគ្រួសារនៅជិត និងគាំទ្រជានិច្ច ។

បាក់ទឹកចិត្តពេលពពោះ និងមុនពេលសម្រាល

បើយើងចេះតែមានអារម្មណ៍ពិបាកចិត្ត មិនចប់មិនហើយ យើងអាចមានជំងឺបាក់ទឹកចិត្តពេលពពោះ ឬមុនពេល សម្រាលមិនខាន។

បើចេះតែមានអារម្មណ៍មិនសប្បាយចិត្ត បារម្ភច្រើន ត្រូវពិគ្រោះជាមួយគ្រូពេទ្យ ព្រោះអាចជួយបកស្រាយ រឿងមួយចំនួន ដែលយើងចេះតែបារម្ភជុំវិញបញ្ហាឆ្លងទន្លេ។ ចំណុចសំខាន់ គួរដឹងថា ជំងឺបាក់ទឹកចិត្តពេលពពោះ នេះជាបញ្ហាផ្លូវអារម្មណ៍រយៈពេលខ្លីប៉ុណ្ណោះ ហើយមានមនុស្សជាច្រើន អាចជួយយើងរួចផុតពីបញ្ហាទាំងនេះបាន។

បញ្ជាក់៖ រាល់ព័ត៌មានដែលវេបសាយយើងចេញផ្សាយចែករំលែកចំណេះដឹងប៉ុណ្ណោះ ហើយព័ត៌មានទាំងនោះ មិនអាចជំនួសដំបូន្មានពីពេទ្យជំនាញ ចំពោះស្ថានភាពសុខភាពជាក់ស្ដែងរបស់អ្នកជំងឺឡើយ។ ដូច្នេះមិនត្រូវបោះបង់ មិនស្ដាប់ដំបូន្មាន ពន្យារពេល ឬមិនទៅជួបពិគ្រោះយោបល់ជាមួយគ្រូពេទ្យ ដោយសារអ្នកបានអានព័ត៌មានណាមួយលើវិបសាយនេះឡើយ។ រាល់ពេលចាប់ផ្ដើមវិធីសាស្ត្រព្យាបាលណាមួយ ត្រូវប្រាកដថា បានពិគ្រោះ និងទទួលការអនុញ្ញាតពីគ្រូពេទ្យជំនាញ៕

អត្ថប្រយោជន៏ចូលរួមកូនឆ្លាតក្លឹប

វិធីសាស្រ្ត និងគន្លឹះផ្សេងៗតាមដំណាក់កាលនិមួយៗ សម្រាប់ដំណើរភាពជាអ្នកម្តាយ
កាដូអនុស្សាវរីយ៍ និងសៀវភៅអប់រំសម្រាប់អ្នកម្តាយពពោះ និងអ្នកម្តាយដែលមានកូនគ្រប់ ២ឆ្នាំ
ការពិគ្រោះជាមួយអ្នកប្រឹក្សាយោបល់ពីកូនឆ្លាតក្លឹប

ចុះឈ្មោះឥឡូវនេះ