ស្គាល់ពីរោគសញ្ញាដំបូងដែលបញ្ជាក់ថាអ្នកមានផ្ទៃពោះ

បាត់រដូវ

ជាសញ្ញាជាក់ស្តែងបំផុតនៃការមានផ្ទៃពោះ ដូច្នេះបើយើងមានការយឺតយ៉ាវនៃការមករដូវ គួរតែធ្វើតេស្ត ឧបករណ៍ពិនិត្យរកផ្ទៃពោះ (ពិនិត្យទឹកនោម) ដើម្បីឲ្យកាន់តែច្បាស់ក្នុងចិត្ត។

អាការទូទៅដូចជាចាប់ផ្ដើមចាញ់?

អាការចាញ់កូនគឺ ខុសៗគ្នាពីស្រ្តីមានផ្ទៃពោះម្នាក់ទៅម្នាក់ទៀត។ ជាទូទៅ វាធ្វើឲ្យស្រ្តីមានអារម្មណ៍ចង់ក្អួត ឬមានអារម្មណ៍មិនស្រួលខ្លួន។ ស្ថានភាពនេះ មានរយៈពេលពីរបីសប្តាហ៍បន្ទាប់ពីមានការបង្កកំណើត អ្នកខ្លះទៀតគឺមានការចាញ់កូន រយៈពេលតែប៉ុន្មានថ្ងៃប៉ុណ្ណោះ។ ហើយមានស្រ្តីមួយចំនួនមានសំណាងណាស់ ដោយសារពួកគេមិនដែលមានអាកានៃការចាញ់កូនទាល់តែសោះ។ ការចាញ់កូនមិនមែនមានន័យថាកើតមានតែនៅពេលព្រឹកទេ វាអាចកើតមានគ្រប់ពេលទាំងពេលថ្ងៃ ឬយប់។

ទៅបន្ទប់ទឹកញឹកជាងធម្មតា

បើអ្នកសំគាល់ឃើញថាអ្នកចូលបន្ទប់ទឹកញឹកញាប់ ក៏ជាសញ្ញាល្អដែលបញ្ជាក់ថាអ្នកមានផ្ទៃពោះ។ ពេលមានផ្ទៃពោះអ័រម៉ូនទាំងអស់ក្នុងរាងកាយរបស់នឹងប្រែប្រួលនៅក្នុងកំឡុងត្រីមាសទី ១ ដែលជាហេតុធ្វើឲ្យយើងទៅបង្គន់ជាញឹកញាប់។

មានអារម្មណ៍ថាអស់កម្លាំង

រោគសញ្ញាទូទៅដំបូងនៃការមានផ្ទៃពោះ គឺការមានអារម្មណ៍អស់កម្លាំងខ្លាំង។ រោគសញ្ញានេះកើតមានឡើងដោយសារមានការកើនឡើងនៃកម្រិតអ័រម៉ូនប្រូហ្សេស្តេរ៉ូនក្នុងខ្លួនអ្នក។ បើដឹងខ្លួនថាអស់កម្លាំង ល្វើយក៏អាចជាមូលហេតុនេះដែរ។ ដូច្នេះគួរតែទៅពេទ្យពិនិត្យមើល ដើម្បីកាន់តែច្បាស់ក្នុងចិត្ត។

មាត់ចាប់ផ្ដើមប្ដូររសជាតិ

ចំពោះអ្នកម្ដាយមួយចំនួនបានផ្លាស់ប្តូរនូវរសជាតិអាហារក្នុងមាត់ ពេលចាប់ផ្តើមមានផ្ទៃពោះដំបូង។ ឯស្ត្រីខ្លះទៀត នៅសុខៗ បែរជាប្ដូរទៅជាធុញ ទ្រលាន់ លែងចូលចិត្តរសជាតិអាហារដែលញ៉ាំជាប្រចាំ។

ដើមទ្រូងរីកធំជាងមុន

ក្រៅពីទំហំសុដន់កាន់តែធំជាងមុន បរិវេណស្បែកដែលនៅជុំវិញក្បាលដោះ គេហៅថា areola ហើយនៅពេលដែលអ្នកមានផ្ទៃពោះវានឹងប្រែពណ៍ទៅជាខ្មៅ និងធំជាងមុន។

ហូរឈាម ឬការឈីចាប់ក្នុងពោះដោយមិនដឹងខ្លួន

មេជីវិតញីដែលមានការបង្កកំណើតនឹងធ្វើដំណើរពីដៃស្បូនទៅកាន់តួស្បូនដើម្បីបន្តការលូតលាស់។ នេះជាការតោងភ្ជាប់ (implantation) ដែលកើតមានឡើងនៅសប្តាហ៍ទី ៣ និងទី ៤ នៃការមានផ្ទៃពោះ។ ជួនកាល Implantation អាចបណ្តាលឲ្យមានផលប៉ះពាល់ខ្លះដូចជាការឈឺចាប់ក្នុងពោះ ឬធ្លាក់ឈាមតិចតួច អាចមានពណ៌ក្រហម ផ្កាឈូក ឬត្នោត។

ឈប់អង្គុយសង្ស័យហើយចាប់ផ្ដើមធ្វើតេស្ត

ឧបករណ៍ពិនិត្យមើលផ្ទៃពោះគឺជាវិធីតែមួយគត់ដែលបញ្ជាក់ថាអ្នកពិតជាមានផ្ទៃពោះពិតប្រាកដ។ អ្នកអាចបានលទ្ធផលវិជ្ជមានដែលអាចទុកចិត្តបានដោយការធ្វើតេស្តមើលផ្ទៃពោះនៅផ្ទះចាប់ពីថ្ងៃដំបូងដែលអ្នកបានបាត់រដូវ។

ដើម្បីទទួលបានចំណេះដឹងដែលមានជំនាញអាហារូបត្ថម្ភក្នុងការផ្តល់វិធីសាស្រ្ត និងគន្លឹះផ្សេងៗ សម្រាប់ដំណើរភាពជាអ្នកម្តាយ។ ចុះឈ្មោះឥលូវនេះដើម្បីទទួលបានចំណេះដឹង បទពិសោធន៍ និងកាដូពីកូនឆ្លាតក្លឹបថ្ងៃនេះ!

បញ្ជាក់៖ រាល់ព័ត៌មានដែលវេបសាយយើងចេញផ្សាយដើម្បីចែករំលែកចំណេះដឹងប៉ុណ្ណោះ ហើយព័ត៌មានទាំងនោះ មិនអាចជំនួសដំបូន្មានពីពេទ្យជំនាញ ចំពោះស្ថានភាពសុខភាពជាក់ស្ដែងរបស់អ្នកជំងឺឡើយ។ ដូច្នេះមិនត្រូវបោះបង់ មិនស្ដាប់ដំបូន្មាន ពន្យារពេល ឬមិនទៅជួបពិគ្រោះយោបល់ជាមួយគ្រូពេទ្យ ដោយសារអ្នកបានអានព័ត៌មានណាមួយលើវិបសាយនេះឡើយ។ រាល់ពេលចាប់ផ្ដើមវិធីសាស្ត្រព្យាបាលណាមួយ ត្រូវប្រាកដថា បានពិគ្រោះ និងទទួលការអនុញ្ញាតពីគ្រូពេទ្យជំនាញ៕

អត្ថប្រយោជន៏ចូលរួមកូនឆ្លាតក្លឹប

វិធីសាស្រ្ត និងគន្លឹះផ្សេងៗតាមដំណាក់កាលនិមួយៗ សម្រាប់ដំណើរភាពជាអ្នកម្តាយ
កាដូអនុស្សាវរីយ៍ និងសៀវភៅអប់រំសម្រាប់អ្នកម្តាយពពោះ និងអ្នកម្តាយដែលមានកូនគ្រប់ ២ឆ្នាំ
ការពិគ្រោះជាមួយអ្នកប្រឹក្សាយោបល់ពីកូនឆ្លាតក្លឹប

ចុះឈ្មោះឥឡូវនេះ