តើអ្នកត្រូវធ្វើដូចម្តេចនៅពេលទារកយំ? – គន្លឹះសម្រាប់ឪពុកម្តាយ

ទម្លាប់

ប៉ាម៉ាក់មួយចំនួនជាបារម្មណ៍ប្រសិនបើពួកគេឆាប់លួងកូនពេក ពេលកូនយំនឹងប៉ាម៉ាក់ទំរើសកូន។

តែទោះជាយ៉ាណាក៏ដោយ តាមការស្រាវជ្រាវបង្ហាញថា ទារកដែលត្រូវបានគេឆាប់លួងនោះ តាមពិតយំតិច ជាកុមារពី ១ទៅ៣ អ្នកវិញ។

លួងកូនពេលកូនយំអាចឲ្យកូនដឹងថាអ្នកនៅក្បែរគេជានិច្ច និងធ្វើឲ្យគេមានអារម្មណ៍កក់ក្ដៅ។

មូលហេតុអាចធ្វើឲ្យកូនយំមានដូចជា៖

ពេលឃ្លាន
ពេលក្ដៅ ឬត្រជាក់ពេក
ពេលហើមពោះ ឬឈឺពោះ
ពេលចង់ប្ដូរខោ ទឹកនោម
ពេលកំពុងឈឺ
ពេលធុញ
ពេលយើងលេងជាមួយគេខ្លាំងពេក
ពេលចង់ឲ្យយើងពរ ឬបី។

មូលហេតុទាំងអស់ខាងលើ សុទ្ធតែអាចដោះស្រាយបានយ៉ាងងាយស្រួល និងឆាប់រហ័ស ហើយបើបញ្ហាត្រូវបានដោះស្រាយរួចរាល់ នោះកូននឹងមិនធ្វើទុក្ខយំទៀតឡើយ។ ប៉ុន្តែប្រសិនបើកូនយំខុសពីប្រក្រតី ឬយំយូរពេក អ្នកគួរតែទៅពិគ្រោះជាមួយគ្រូពេទ្យបន្ថែម ព្រោះគេអាចមានបញ្ហាសុខភាព ដែលមិនអាចប្រាប់យើងបាន ក្រៅពីយំ។

ឈឺហើមពោះ

បើកូនអាយុតិចជាង ៣ខែហើយយំមិនព្រមបាត់ គេប្រហែលឈឺហើមពោះហើយ។ វាមិនប្រាកដមួយរយភាគរយទេ ប៉ុន្តែភាគច្រើនក្មេងៗមានបញ្ហាមួយនេះ។ វិធីលួងលោមក្មេងពេលឈឺពោះ ឬហើមពោះ៖

ថ្នាក់ថ្នមគេ
មានរបស់ឲ្យគេបៅ (អាចជាក្បាលដោះជ័រ)
កុំឲ្យកូននៅក្ដៅ ស្អុះស្អាប់
ចាក់ចម្រៀងតិចៗ ឬច្រៀងបំពេ
ម៉ាស្សាឲ្យថ្នមៗ
ដាក់គេឲ្យគេងក្នុងអង្រឹង
ឬយកគេទៅលេងខាងក្រៅ។

ក្មេងធំៗយំ

ពេលកូនធំបានបន្តិច ឬអាចចេះដើរ ចេះរត់ មានមូលហេតុមួយចំនួនអាចធ្វើឲ្យគេយំ៖

បាត់របស់របរគេចូលចិត្ត
ចង់មានអ្នកលេងជាមួយ
រត់បុកអ្វីមួយ ឬដួល
ចាប់ផ្ដើមដុះធ្មេញ
ភ័យពេលនៅម្នាក់ឯង
ចាប់ផ្ដើមចេះខ្លាច។ល។
ការថ្នាក់ថ្នមកូន គឺជាវិធីលួងក្មេងយំបានយ៉ាងមានប្រសិទ្ធភាព។ តែបើនៅយំមិនព្រមបាត់ ឬមើលទៅដូចជាមិនស្រួល អាចមើលទៅដូចជាពិបាកក្នុងខ្លួន អ្នកគួរតែយកគេទៅជួបជាមួយគ្រូពេទ្យ។

វិធីទប់ទល់ជាមួយក្មេងយំខ្លាំង

យ៉ាងណាក៏ដោយ បើគេយំ មិនមែនដោយសាររបួស មិនមែនដោយសារជំងឺ ឬការឈឺចាប់អីទេ យើងអាចបណ្ដោយឲ្យគេយំខ្លះក៏បាន ព្រោះពេលខ្លះ អារម្មណ៍យើងជាប៉ាម៉ាក់ ក៏ចេះមានពេលមិនស្រស់ស្រាយដែរ។ ទុកឲ្យគេយំមួយភ្លែតសិនក៏បាន ទៅរកកាហ្វេ រកតែញ៉ាំបន្តិច ដើម្បីបន្ធូរអារម្មណ៍ក៏ល្អ។

អាចធ្ងន់ដែរ បើកូនយំមិនព្រមបាត់ ធ្វើឲ្យយើងកាន់តែឈឺក្បាលខ្លាំង អ្នកគួរតែទៅពិគ្រោះជាមួយគ្រូពេទ្យ ដើម្បីសុំយោបល់បន្ថែម ព្រោះអាចមានដំណោះស្រាយល្អ។

អ្វីដែលសំខាន់ទៀតនោះ ម៉ាក់ៗត្រូវប្រាកដថាកូនទទួលបានអាហារូបត្ថម្ភត្រឹមត្រូវដែលរួមមានអាហារសរសៃ ឌីអេចអេ វីតាមីន និងសារធាតុរ៉ែ និងសារធាតុចិញ្ចឹមចាំបាច់ផ្សេងៗ បន្ថែមលើអាហារប្រចាំថ្ងៃដើម្បីការអភិវឌ្ឍពេញលេញរបស់កូនអ្នក។

បញ្ជាក់៖ រាល់ព័ត៌មានដែលវេបសាយយើងចេញផ្សាយចែករំលែកចំណេះដឹងប៉ុណ្ណោះ ហើយព័ត៌មានទាំងនោះ មិនអាចជំនួសដំបូន្មានពីពេទ្យជំនាញ ចំពោះស្ថានភាពសុខភាពជាក់ស្ដែងរបស់អ្នកជំងឺឡើយ។ ដូច្នេះមិនត្រូវបោះបង់ មិនស្ដាប់ដំបូន្មាន ពន្យារពេល ឬមិនទៅជួបពិគ្រោះយោបល់ជាមួយគ្រូពេទ្យ ដោយសារអ្នកបានអានព័ត៌មានណាមួយលើវិបសាយនេះឡើយ។ រាល់ពេលចាប់ផ្ដើមវិធីសាស្ត្រព្យាបាលណាមួយ ត្រូវប្រាកដថា បានពិគ្រោះ និងទទួលការអនុញ្ញាតពីគ្រូពេទ្យជំនាញ៕

អត្ថប្រយោជន៏ចូលរួមកូនឆ្លាតក្លឹប

វិធីសាស្រ្ត និងគន្លឹះផ្សេងៗតាមដំណាក់កាលនិមួយៗ សម្រាប់ដំណើរភាពជាអ្នកម្តាយ
កាដូអនុស្សាវរីយ៍ និងសៀវភៅអប់រំសម្រាប់អ្នកម្តាយពពោះ និងអ្នកម្តាយដែលមានកូនគ្រប់ ២ឆ្នាំ
ការពិគ្រោះជាមួយអ្នកប្រឹក្សាយោបល់ពីកូនឆ្លាតក្លឹប

ចុះឈ្មោះឥឡូវនេះ