អ្វីទៅជាកន្ទួលរមាស់បរិវេណគូទកូន?

អាការឡើងកន្ទួលរមាស់ស្បែក បរិវេណគូទ ។ វាអាចបង្កការឈឺចាប់ រំខាន និងរមាស់ស្បែក ប៉ុន្តែបញ្ហាមួយនេះមិនបង្កគ្រោះថ្នាក់ធ្ងន់ធ្ងរឡើយ។

បញ្ហាកន្ទួលរមាស់នេះ ឬហៅថា Nappy Rash អាចបណ្ដាលមកពីពពួកផ្សិត បាក់តេរី ឬពពួកមេរោគបង្កជំងឺតាអក ប៉ុន្តែក្មេងមួយចំនួន គ្រាន់តែមានស្បែកខ្សោយជាងក្មេងដទៃ ដូចនេះពួកគេអាចងាយមានបញ្ហារមាស់ស្បែកបន្តិចបន្តួច។

ត្រូវព្យាបាលរបៀបណា?

បើស្បែកឡើងកន្ទួល ដោយសារតែខោទឹកនោមសើម ឬបង្កដោយពពួកផ្សិត យើងគ្រាន់តែស្រាតខោទឹកនោមចេញបើស្លៀក ហើយទុកស្បែកកូនឲ្យបានត្រូវខ្យល់ខ្លះទៅ បានហើយ។ កុំព្យាយាមស្លៀកខោទឹកនោមថ្មីទៀត ឲ្យកូន បានចាប់ពីមួយម៉ោងទៅពីរម៉ោងកាន់តែប្រសើរ។

ត្រូវប្ដូរខោទឹកនោមកូនឲ្យបានញឹកញាប់ ត្រូវលាងសម្អាត និងជូតស្បែកគូទឲ្យបានស្ងួតល្អ។ ម៉ាក់ៗក៏អាចលាបក្រែមបំបាត់កន្ទួលរមាស់ ដើម្បីការពារកុំឲ្យឡើងកន្ទួលលើស្បែក ក្រោយពេលស្លៀកខោទឹកនោមវិញ។ បើការឡើងរមាស់នេះ នៅតែមិនបាត់ទៅវិញ យកល្អគួរតែទៅពិគ្រោះជាមួយគ្រូពេទ្យបន្ថែម។

បើសង្ស័យថា ស្បែកកូនបង្ករោគដោយបាក់តេរី ឬមេរោគតាអក (ភាគច្រើនឡើងក្រហមខ្លាំង ឈឺ និងរមាស់ខ្លាំង ហើយមានឡើងកន្ទួលតាមកន្លែងផ្នត់ស្បែក ឬនៅលើមុខ) នោះក៏គួរតែប្រញាប់ទៅជួបគ្រូពេទ្យដែរ។

បញ្ជាក់៖ រាល់ព័ត៌មានដែលវេបសាយយើងចេញផ្សាយចែករំលែកចំណេះដឹងប៉ុណ្ណោះ ហើយព័ត៌មានទាំងនោះ មិនអាចជំនួសដំបូន្មានពីពេទ្យជំនាញ ចំពោះស្ថានភាពសុខភាពជាក់ស្ដែងរបស់អ្នកជំងឺឡើយ។ ដូច្នេះមិនត្រូវបោះបង់ មិនស្ដាប់ដំបូន្មាន ពន្យារពេល ឬមិនទៅជួបពិគ្រោះយោបល់ជាមួយគ្រូពេទ្យ ដោយសារអ្នកបានអានព័ត៌មានណាមួយលើវិបសាយនេះឡើយ។ រាល់ពេលចាប់ផ្ដើមវិធីសាស្ត្រព្យាបាលណាមួយ ត្រូវប្រាកដថា បានពិគ្រោះ និងទទួលការអនុញ្ញាតពីគ្រូពេទ្យជំនាញ៕