តើកូនអ្នកអាចញុំាអាហាររឹងបានឬនៅ?

ពេលដែលកូនកំពុងលូតលាស់ គាត់ក៏ចាប់ផ្ដើមរពឹសដែរ​ និងប្រើថាមពលច្រើន ។សកម្មភាពគេដូចជាប្រឹងងើបខ្លួនពីឥដ្ឋ ការ៉ូ រមៀលទៅរមៀលមក ឬព្យាយាមអង្គុយ ដែលសកម្មភាពទាំងនេះត្រូវការឲ្យពួកគេញ៉ាំអាហារច្រើន ហើយពួកគេត្រូវតែញ៉ាំឲ្យច្រើនជាងការបៅទឹកដោះ។ ការប្ដូរពីបំបៅដោះតែមួយមុខ ឲ្យគេចាប់ផ្ដើមញ៉ាំអាហារផ្សេងៗ គឺមានឈ្មោះថា "អាហារបំប៉នបន្ថែម"។ គេណែនាំឲ្យប៉ាម៉ាក់គ្រប់រូបផ្ដល់តុល្យភាពនៃអាហារកិនដល់កូន បន្ទាប់ពីគេបានអាយុចាប់ពី ៦ខែ។

សញ្ញាប្រាប់ថាកូនចង់ញ៉ាំអាហារបន្ថែម

-បន្ទាប់ពីបៅដោះរួច កូននៅតែយំ ឬចង់បៅបន្ថែម

-កូនមិនអាចចាំដល់ពេលត្រូវបៅម្ដងទៀត ហើយចាប់ផ្ដើមនៅមិនសុខ ឬជញ្ជក់ដៃ

-ពីមុនគេដេកពេញមួយយប់ តែឥឡូវគេភ្ញាក់ឡើងចង់បៅ

-ការគេងថ្ងៃខុសពីប្រក្រតី គេមិនចង់គេង ឬគេងបានតែមួយភ្លែតភ្ញាក់វិញ

-កូនមានអារម្មណ៍រំភើប ពេលគេមើលអ្នកញ៉ាំអាហារ ឬគេព្យាយាមលោតមកចាប់អាហារអ្នកកំពុងកាន់ក្នុងដៃ។

កូនអាចលូតលាស់ខ្លាំងពេកទេ?

មានក្មេងខ្លះអាចធំធាត់ខ្លាំង ឬជ្រុល ដែលគេអាចឃ្លានចង់ញ៉ាំជាងធម្មតា។ ត្រូវប្រាកដថា នេះមិនមែនជាសញ្ញានៃតម្រូវការញ៉ាំអាហារបន្ថែមឡើយ ព្រោះប្រព័ន្ធរំលាយអាហាររបស់ក្មេងត្រូវការពេលខ្លះដើម្បីលូតលាស់ មុនពេលអាចទទួលយកអាហារកិនបាន។ ត្រូវមានភាពអត់ធ្មត់ បើកូនលូតលាស់ខ្លាំងពេក ចំណង់អាហារនឹងត្រឡប់មកដូចដើមវិញក្នុងពេលឆាប់ៗ។

ដើម្បីការអភិវឌ្ឍពេញលេញរបស់កូនអ្នក ចុចទីនេះដើម្បីស្វែងយល់ពីអាហារូបត្ថម្ភកូនអ្នក។

បញ្ជាក់៖ រាល់ព័ត៌មានដែលវេបសាយយើងចេញផ្សាយចែករំលែកចំណេះដឹងប៉ុណ្ណោះ ហើយព័ត៌មានទាំងនោះ មិនអាចជំនួសដំបូន្មានពីពេទ្យជំនាញ ចំពោះស្ថានភាពសុខភាពជាក់ស្ដែងរបស់អ្នកជំងឺឡើយ។ ដូច្នេះមិនត្រូវបោះបង់ មិនស្ដាប់ដំបូន្មាន ពន្យារពេល ឬមិនទៅជួបពិគ្រោះយោបល់ជាមួយគ្រូពេទ្យ ដោយសារអ្នកបានអានព័ត៌មានណាមួយលើវិបសាយនេះឡើយ។ រាល់ពេលចាប់ផ្ដើមវិធីសាស្ត្រព្យាបាលណាមួយ ត្រូវប្រាកដថា បានពិគ្រោះ និងទទួលការអនុញ្ញាតពីគ្រូពេទ្យជំនាញ៕