ដំណោះស្រាយបំបាត់រាក

រាកជារឿងធម្មតាចំពោះកូនតូចៗ គ្មានអ្វីត្រូវព្រួយបារម្ភឡើយ។ ទោះយ៉ាងណាក៏ដោយអ្នកគួរតែទៅយកកូនទៅជួបគ្រូពេទ្យពិនិត្យមើលជំងឺរាករូសជាប្រចាំដើម្បីស្វែងរកពីមូលហេតុនិងការណែនាំពីវិធីព្យាបាលឲ្យបានត្រឹមត្រូវ។

សូមចាប់អារម្មណ៍មកមើលរោគសញ្ញាខ្លះនៃជំងឺរាកមួយចំនួនចំពោះកូនតូចដែលទើបចេះដើរតេះតះ អំពីមូលហេតុដែលអាចកើតមាន​ និងវិធីព្យាបាល៖

រោគសញ្ញានៃជំងឺរាករូសចំពោះកូនតូច

រោគសញ្ញាបញ្ជាក់ច្បាស់បំផុតនៃជំងឺរាកលើកូនតូចគឺរាកដោយខ្លួនឯង។ អ្នកម្ដាយដឹងថាអ្វីដែលជារឿងធម្មតារបស់កូនអ្នកហើយ តែប្រសិនបើរឿងនេះផ្លាស់ប្តូរភ្លាមៗ - កាន់តែញឹកញាប់និងមិនអាចកំណត់បាន អ្នកនឹងចាំផ្ដើមចង់ណាត់ជួបគ្រូពេទ្យ។

ជំងឺរាកអាចបណ្តាលឱ្យកុមារខ្សោះជាតិទឹកយ៉ាងឆាប់រហ័សដែលអាចបង្កគ្រោះថ្នាក់។

រោគសញ្ញានៃជំងឺនេះរួមមាន៖

•ភ្នែកស្រវាំង

•មាត់​ស្ងួត

•មិនផលិតទឹកភ្នែក

•នោមតិចជាញឹកញាប់ (ពិនិត្យរកមើលកន្សែងសើម)

•ទឹកនោមឡើងពណ៌ស្រអាប់

រោគសញ្ញាធ្ងន់ធ្ងរនៃជំងឺរាក

ប្រសិនបើកូនរបស់អ្នកខ្សោះជាតិទឹកឬកំពុងបង្ហាញរោគសញ្ញាណាមួយខាងក្រោមនេះអ្នកគួរតែទៅជួបគ្រូពេទ្យជាបន្ទាន់៖

·       បន្តរាកដល់មានសភាពធ្ងន់ធ្ងរ

• មានឈាមឬស្លេស្មនៅក្នុងលាមក
• ឈឺពោះធ្ងន់ធ្ងរ
• គ្រុនក្ដៅ

តើអ្វីបណ្តាលឲ្យកូនតូចរាក?

រឿងផ្សេងៗគ្នាជាច្រើនដែលអាចបណ្តាលឱ្យកូនអ្នករាករូសដូច្នេះវាជាកត្តាសំខាន់ដែលត្រូវប្រាប់ដល់គ្រូពេទ្យពីមូលហេតុ។ មូលហេតុដែលអាចកើតមានរួមមាន៖

•ដំបៅក្រពះដែលបណ្តាលមកពីមេរោគឬបាក់តេរី

•ជំងឺរ៉ាំរ៉ៃមួយហៅថា រាកចំពោះកុមារតូចៗ

•ការឆ្លងមេរោគក្នុងត្រចៀក

•ការឆ្លងមេរោគប៉ារ៉ាស៊ីត

•ការប្រើប្រាស់អង់ទីប៊ីយ៉ូទិក

•ទទួលទានទឹកផ្លែឈើច្រើនពេក (បណ្ឌិត្យសភាកុមារអាមេរិកណែនាំមិនឱ្យលើសពី ៤ ទៅ ៦ អោន (116-170 មីលីលីត្រ) នៃទឹកផ្លែឈើក្នុងមួយថ្ងៃសម្រាប់កូនតូចទើបនឹងកើត)

•មិនស៊ាំជាមួយចំណីអាហារ​ ឬអាឡែរហ្សុី - សូមប្រយ័ត្នជានិច្ចនៅពេលកូនតូចរបស់អ្នកសាកល្បងញាំអាហារថ្មី

វិធីព្យាបាលជំងឺរាកលើកូនតូចៗ

គ្រូពេទ្យរបស់អ្នកនឹងណែនាំអំពីការព្យាបាលជំងឺរាកល្អបំផុតលើកូនតូចអាស្រ័យលើករណីរបស់ជំងឺ ប៉ុន្តែនេះគឺជាការផ្តល់យោបល់មួយចំនួនដែលអ្នកអាចអនុវត្តនៅផ្ទះបាន៖

•ផ្តល់ឲ្យកូននូវអាហារតាមធម្មតារបស់ពួកគាត់ (ត្រូវប្រាកដថារបបអាហារមានតុល្យភាពនិងមានសុខភាពល្អ) ។ អាហារដូចជា​ ចេក នំប៉័ង អង្ករ ដំឡូងនិងអាហារដែលធ្វើ់ពីម្សៅផ្សេងៗអាចជួយបាន.

•ត្រូវប្រាកដថាកូនរបស់អ្នកផឹកទឹកគ្រប់គ្រាន់ដើម្បីបង្ការការខ្វះជាតិទឹក​ កូនទើបនឹងកើតអាចទទួលបានជាតិទឹកមកតាមរយៈការបៅទឹកដោះម្ដាយឬទឹកដោះគោធម្មតា។

•ជៀសវាងជាតិស្ករទឹកផ្លែឈើភេសជ្ជៈដែលមានជាតិហ្គាសនិងបង្អែមដែលមានជាតិផ្អែម។

•កុំឲ្យកូនតូចផឹកថ្នាំប្រឆាំងនឹងជំងឺរាកដែលមិនបានចេញវេជ្ជបញ្ជាពីគ្រូពេទ្យទៅឱ្យពួកគាត់។

•បើកូនរបស់អ្នកនៅតែគេងដាក់កន្សែង សូមប្រាកដថាអ្នកបានផ្លាស់ប្តូរកន្សែងភ្លាមៗនៅពេលដែលប្រឡាក់។ ប្រើទឹកធម្មតាឬសាប៊ូស្រាលដើម្បីសម្អាតតំបន់នោះហើយលាបក្រែមឪ្យកូនដើម្បីជួយការពាររលាក។

វិធីបញ្ឈប់ការរាកចំពោះកូនតូច

អាស្រ័យលើមូលហេតុជំងឺរាគរបស់កូនអ្នកប្រហែលជាមិនអាចការពារបានទេ។ ទោះយ៉ាងណាក៏ដោយការអនុវត្តអនាម័យល្អ (លាងដៃឱ្យបានញឹកញាប់និងត្រឹមត្រូវជាមួយសាប៊ូនិងទឹកក្តៅ) អាចជួយបញ្ឈប់មេរោគខ្លះដែលបណ្តាលឱ្យរាគមិនរីករាលដាល។

កូនដែលមានជំងឺរាកគួរនៅឲ្យឆ្ងាយពីក្មេងដទៃទៀតយ៉ាងតិច ៤៨ ម៉ោងបន្ទាប់ពីរោគសញ្ញារបស់ពួកគាត់ប្រសើរឡើង។

Source:

https://www.apta-advice.com/toddler/health/diarrhea-in-toddlers/