?ts=1764641658989&fmt=webp-alpha&dpr=off)
អ្វីជាជាតិដែក? អាចរកបានពីអាហារណាខ្លះ?
ជាតិដែកជាសារធាតុរ៉ែមួយសំខាន់ក្នុងការរក្សាឲ្យឈាមក្នុងរាងកាយយើងមានសុខភាពល្អ។ រ៉ែមួយប្រភេទនេះជាសមាសធាតុសំខាន់របស់ hemoglobin ដែលជាប្រភេទប្រូតេអ៊ីនម្យ៉ាងនៅក្នុងកោសិកាឈាមក្រហម មាននាទីដឹកនាំអុកស៊ីសែនពីសួតទៅកាន់ផ្នែកផ្សេងៗទៀតនៃរាងកាយ។
ដូចគ្នាដែរជាតិដែកក៏ជាផ្នែកមួយនៃ myoglobin ដែលជាប្រូតេអ៊ីនដឹកនាំ និងស្តុកទុកអុកស៊ីសែនជាពិសេសនៅក្នុងជាលិកាសាច់ដុំ។ ក្រៅពីនេះ ជាតិដែកក៏មានសារសំខាន់សម្រាប់ការលូតលាស់ខួរក្បាលប្រកបដោយសុខភាពល្អសម្រាប់កុមារ ហើយក៏ជួយដល់ដំណើរការផ្សេងៗនៃកោសិការាងកាយ និងអ័រម៉ូនផងដែរ។
១. តម្រូវការបរិមាណជាតិដែក
ជាតិដែកមិនមែនបង្កើតបានដោយរាងកាយនោះទេ ពោលគឺជាតិដែកបានមកពីអ្វីដែលយើងញ៉ាំ។ តម្រូវការជាតិដែកប្រចាំថ្ងៃអាចប្រែប្រួលទៅតាមវ័យ និងភេទ។
បុរសវ័យ១៨ឆ្នាំឡើង៖ ៨,៧មិល្លីក្រាមក្នុងមួយថ្ងៃ
ស្រ្តីវ័យ ១៩-៥០ឆ្នាំ៖ ១៤,៨មិល្លីក្រាមក្នុងមួយថ្ងៃ
ស្រ្តីវ័យ ៥០ឆ្នាំឡើង៖ ៨,៧មិល្លីក្រាមក្នុងមួយថ្ងៃ
ទារកវ័យ៧-១២ខែ៖ ១១មិល្លីក្រាមក្នុងមួយថ្ងៃ
កុមារតូច១-៣ឆ្នាំ៖ ៧មិល្លីក្រាមក្នុងមួយថ្ងៃ
កុមារវ័យ៤-៨ឆ្នាំ៖ ១០មិល្លីក្រាមក្នុងមួយថ្ងៃ
ក្មេងប្រុសជំទង់៖ ១១មិល្លីក្រាមក្នុងមួយថ្ងៃ
ក្មេងស្រីជំទង់៖ ១៥មិល្លីក្រាមក្នុងមួយថ្ងៃ
បរិមាណជាតិដែកសម្រាប់តម្រូវការប្រចាំថ្ងៃ អាចទទួលបានពីរបបអាហារ។ សម្រាប់ក្មេងស្រីជំទង់ ឬស្រ្តីពេញវ័យ អាចបាត់បង់ជាតិដែកច្រើនបើសិនជាឈាមរដូវ ប្រចាំខែមកច្រើន ហើយករណីនេះ អាចប្រឈមនឹងបញ្ហាស្លេកស្លាំងដោយសារខ្វះជាតិដែក។ ប្រឹក្សាជាមួយគ្រូពេទ្យបើមានបញ្ហាបែបនេះ ដើម្បីច្បាស់ថាតើក្មេងស្រីឬស្រ្តីពេញវ័យត្រូវការថ្នាំគ្រាប់ជាតិដែកដើម្បីញ៉ាំបន្ថែមលើរបបអាហារឬយ៉ាងណា។
២. អាហារសម្បូរជាតិដែក
អាហារដែលសម្បូរដោយជាតិដែកមានទាំងសាច់ គ្រឿងសមុទ្រ និងបន្លែបៃតង។ បើនិយាយពីសាច់ដែលមានជាតិដែកមានដូចជា សាច់គោ សាច់ជ្រូក និងសាច់មាន់ជាដើម។ សម្រាប់គ្រឿងសមុទ្រវិញមានដូចជាត្រី និងងាវ ជាដើម។
បើនិយាយដល់បន្លែបៃតងវិញមានច្រើនមុខដូចជាស្ពៃពួយឡេង ខាត់ណាខៀវ ប៉េងបោះ ដំឡូងបារាំង ពោត ស្ពៃក្ដោប ម្ទេសប្លោកនិងសណ្ដែកខៀវជាដើម។
ប្រសិនបើម៉ាក់បារម្ភថា កូនអាចខ្វះជាតិដែក ម៉ាក់ៗ គួរតែនាំកូនទៅពិគ្រោះជាមួយនឹងគ្រូពេទ្យជំនាញ ឬអាចចុចលីងខាងក្រោមនេះ ដើម្បីវាស់កម្រិតជាតិដែកកូនបណ្តោះអាសន្ន៕
https://konchhlatclub.com.kh/km/ida?utm_source=Online+IDA+Questionnaire+QR&utm_medium=Hello+Krupet&utm_campaign=IDA
អត្ថប្រយោជន៏ចូលរួមកូនឆ្លាតក្លឹប
- វិធីសាស្រ្ត និងគន្លឹះផ្សេងៗតាមដំណាក់កាលនិមួយៗ សម្រាប់ដំណើរភាពជាអ្នកម្តាយ
- កាដូអនុស្សាវរីយ៍ និងសៀវភៅអប់រំសម្រាប់អ្នកម្តាយពពោះ និងអ្នកម្តាយដែលមានកូនគ្រប់ ២ឆ្នាំ
- ការពិគ្រោះជាមួយអ្នកប្រឹក្សាយោបល់ពីកូនឆ្លាតក្លឹប
ចង់ដឹងបន្ថែមអំពីកូនឆ្លាតក្លឹប? ទាក់ទងមកឥលូវនេះតាមប្រព័ន្ធទំនាក់ទំនងខាងក្រោម
អត្ថបទពិសេស
ស្វែងយល់ពីគន្លឹះបន្ថែមទៀតពីប្រធានបទកុមារ