?ts=1764641658989&fmt=webp-alpha&dpr=off)
៣វិធីងាយៗដោះស្រាយបញ្ហាទល់លាមកកូនយ៉ាងមានប្រសិទ្ធភាព ម៉ាក
សុខភាពក្រពះពោះវៀនរបស់មនុស្សម្នាក់ៗមិនដូចគ្នាទេ ក្នុងការបន្ទោរបង់។ ចំពោះអ្នកមានសុខភាពល្អ មិនថាកូនក្មេង ឬមនុស្សធំ លាមកមានសភាពទន់ដែលមិនបង្កឲ្យមានការឈឺចាប់ពេលបន្ទោបង់។ ជាធម្មតាបន្ទោបង់អាចចន្លោះពី ៣ដងក្នុងមួយថ្ងៃ ឬបើតិចជាងនេះចំពោះក្មេងខ្លះត្រឹមតែបីដងក្នុងមួយសប្ដាហ៍។ ចំពោះក្មេងៗ អាចប្រឈមមុខខ្ពស់ក្នុងការជួបបញ្ហាទល់លាមក។ បើកូនតូចជួបបញ្ហាទល់លាមក តើបណ្ដាលមកពីអ្វី? ម៉ាក់គួរដោះស្រាយបែបណា? ហើយបើចង់បង្កាទៅលើបញ្ហានេះគួរធ្វើបែបណា?
១. មូលហេតុក្មេងទល់លាមក
ក្មេងដែលមានសុខភាពក្រពះពោះវៀនល្អមិនងាយប្រឈមនឹងបញ្ហាទល់លាមកទេ។ ផ្ទុយមកវិញ ក្មេងដែលមានបញ្ហាសុខភាពក្រពះពោះវៀននឹងប្រឈមមុខខ្ពស់ទៅលើបញ្ហាទល់លាមកហើមពោះ ឬរាក។ ក្មេងទល់លាមកអាចបណ្ដាលមកពីមូលហេតុច្រើនយ៉ាង តែពេលខ្លះក៏មិនមានមូលហេតុច្បាស់លាស់ដែរ។ យ៉ាងណារបបអាហារ និងសកម្មភាពរាងកាយជាមូលហេតុបណ្ដាលឲ្យមានបញ្ហាទល់លាមកនេះគួរឲ្យកត់សម្គាល់ជាងគេ។
ក្មេងដែលញ៉ាំទឹកមិនគ្រប់គ្រាន់ មិនញ៉ាំបន្លែ ឬផ្លែឈើ ក៏ជាដើមហេតុនៃបញ្ហាទល់លាមកផងដែរ។ ក្រពះពោះវៀនមានសុខភាពល្អ ដរាបណាយើងញ៉ាំអាហារជំនួយដល់ពោះវៀន ដូចជាអាហារសម្បូរជាតិសរសៃ។ សារធាតុទាំងនេះជួយឲ្យបាក់តេរីក្នុងពោះវៀនមានលំនឹង និងជួយឲ្យក្រពះពោះវៀនមានសុខភាពល្អ។ បើកូនមិនទទួលបានអាហារទាំងនេះទេ នោះសុខភាពក្រពះពោះវៀនក៏ខ្សោយទៅតាមហ្នឹងដែរហើយបើសិនក្រពះពោះវៀនចុះខ្សោយនឹងបណ្ដាលឲ្យមានបញ្ហាដូចបានរៀបរាប់ខាងលើ។
ក្រៅពីរបបអាហារ សកម្មភាពរាងកាយក៏ដើរតួសំខាន់ដូចគ្នា។ ក្មេងដែលមានសកម្មភាពរាងកាយតិចតួច ឬអត់សោះក្មេងដែលចូលចិត្តនៅអង្គុយស្ងៀមមួយកន្លែងក៏សុទ្ធតែអាចមានបញ្ហាទល់លាមកដូចគ្នា។ ដំណោះស្រាយពេលនេះ ការដែលម៉ាក់ប៉ាលើកទឹកចិត្តនិងជំរុញឲ្យកូនរត់លេងច្រើន ឬធ្វើសកម្មភាពរាងកាយច្រើន ជាការរួមចំណែកកាត់បន្ថយបញ្ហាទល់លាមកផងដែរ។
២. ផលប៉ះពាល់ដោយសារបញ្ហាទល់លាមក
ក្មេងដែលឧស្សាហ៍ទល់លាមក ឬទល់លាមករ៉ាំរ៉ៃអាចបង្កឲ្យមានការឈឺចាប់ ពេលកូនប្រឹងជុះម្ដងៗ។ ក្រៅពីនេះ បញ្ហាទល់លាមកធ្ងន់ធ្ងរអាចធ្វើឲ្យកូនមានបញ្ហាឈឺគូទ និងរហែកស្បែកបរិវេណគូទពេលបន្ទោបង់ឬអាចលៀនចេញក្រសាលគូទក៏មានដែរ។ លើសពីនេះដោយសារតែកូនមានការឈឺចាប់ពេលបន្ទោបង់បែបនេះ កូនអាចនឹងមិនចង់បត់ជើង ហើយខំទប់លាមក ដែលជាលទ្ធផលលាមកនឹងប្រមូលផ្ដុំច្រើននៅពោះវៀនធំនិងអាចបង្កឲ្យមានការលេចលាមកដាក់ខោដោយមិនដឹងខ្លួន។
៣. ដំណោះស្រាយបញ្ហាទល់លាមក
ឲ្យតែកូនមានបញ្ហាហើមពោះ រាក ឬទល់លាមក អ្វីដែលត្រូវដឹងមុនគេគឺ ក្រពះពោះវៀនកូនកំពុងមានបញ្ហា ទើបបណ្ដាលទៅជាបែបនេះ។ ដើម្បីកាត់បន្ថយការប្រឈមនេះ ម៉ាក់ត្រូវជួយកូនឲ្យមានសុខភាពក្រពះពោះវៀនកូនល្អសិន។
ថ្ងៃនេះ “កូនឆ្លាតក្លឹប” សូមណែនាំម៉ាក់ៗនូវដំណោះស្រាយ ៣យ៉ាងសម្រាប់បញ្ហាទល់លាមករបស់កូន។ តើវិធីទាំងនោះមានអ្វីខ្លះ? លំបាកឬអត់?
វិធីទី១៖ ឲ្យកូនញ៉ាំអាហារសម្បូរជាតិសរសៃ
ជាការពិតក្នុងក្រពះពោះវៀនរបស់យើងមានមីក្រូសរីរាង្គជាង១០០ពាន់លាន ដែលភាគច្រើនជាពពួកបាក់តេរី។ មីក្រូសរីរាង្គទាំងនេះ ជួយការពារយើងពីការឆ្លងរោគ ជួយរំលាយអាហារ ជួយលើកកម្ពស់សុខភាពក្រពះពោះវៀន និងពង្រឹងប្រព័ន្ធភាពស៊ាំ។ ប៉ាម៉ាក់ចង់ឲ្យកូនមានសុខភាពក្រពះពោះវៀនល្អ ត្រូវផ្ដល់អាហារដែលមានជាតិសរសៃឲ្យកូនញ៉ាំ ព្រោះអាហារប្រភេទនេះជួយឲ្យបាក់តេរីក្នុងពោះវៀនមានសុខភាពល្អ។
អាហារដែលសម្បូរជាតិសរសៃមានដូចជាបន្លែ ផ្លែឈើ និងគ្រាប់ធញ្ញជាតិ ឬក្នុងទឹកដោះគោម្សៅ ហើយក្មេងៗត្រូវការអាហារទាំងនេះប្រចាំថ្ងៃដើម្បីកាត់បន្ថយបញ្ហាទល់លាមក និងបញ្ហាសុខភាពមួយចំនួនផ្សេងទៀត។
វិធីទី២៖ អាហារល្អចំពោះបាក់តេរីក្នុងពោះវៀនផ្សេងទៀត
ពេលនិយាយដល់អាហារល្អសម្រាប់បាក់តេរីក្នុងពោះវៀន នោះយើងអាចគិតដល់បន្លែនឹងផ្លែឈើ ដូចបានរៀបរាប់ខាងលើ។ ប៉ុន្តែម៉ាក់ៗដឹងអត់ពពួកទឹកដោះគោម្សៅ អាហារផ្អាប់ដូចគីមឈី ជ្រក់ យ៉ាអួរ ក៏ជាអាហារល្អសម្រាប់បាក់តេរីក្នុងពោះវៀនដែរ។
អាហារទាំងនេះជួយបន្ថែមបាក់តេរីល្អទៅក្នុងក្រពះពោះវៀនរបស់ក្មេង និងជួយបំបែកជាតិស្ករ ឬជាតិឡាក់តូស ដែលប្រព័ន្ធរំលាយអាហារកូនពិបាករំលាយ។ ការណ៍នេះនឹងផ្ដល់ផលល្អដល់សុខភាពក្រពះពោះវៀនកូន និងកាត់បន្ថយបញ្ហាទល់លាមដែរ។
វិធីទី៣៖កុំឲ្យកូនញ៉ាំអាហារកែច្នៃច្រើន
អាហារ កែច្នៃដូចជាអាហារកញ្ចប់ សាច់កែច្នៃ ឬអាហារប្រភេទ Fast Food បើក្មេងញ៉ាំច្រើន ឬញឹកញាប់ពេក អាចបណ្ដាលឲ្យក្មេងប្រឈមនឹងបញ្ហាទល់លាមកដែរព្រោះអាហារទាំងនេះរំខានដល់ដំណើរការរបស់បាក់តេរីល្អក្នុងពោះវៀន។ដូចគ្នាដែរ ការសិក្សារកឃើញថា ការផឹកភេសជ្ជៈកំប៉ុងក៏រំខានដល់បាក់តេរីល្អក្នុងពោះវៀនកូនដែរ។
៤. ពេលណាគួរជួបពេទ្យ?
នៅពេលកូនទទួលបានរបបអាហារ និងសកម្មភាពរស់នៅប្រចាំថ្ងៃល្អហើយ តែនៅតែជួបបញ្ហាទល់លាមកប៉ាម៉ាក់គួរនាំកូនជួបជាមួយគ្រូពេទ្យ។ ពិសេសបើកូនទល់លាមកហើយនិងមានអាការៈឈឺក្នុងពោះ ក្ដៅខ្លួន ឈាមក្នុងលាមក កូនមិនសូវញ៉ាំអាហារ លៀនក្រសាលគូទ ឬស្រកទម្ងន់ទៀតនោះ រឹតតែមិនត្រូវបង្អង់យកកូនទៅពិនិត្យឬទទួលការព្យាបាលពីគ្រូពេទ្យជំនាញឡើយ។
គ្រូពេទ្យអាចផ្ដល់ជាថ្នាំ និងអាហារបំប៉នមួយចំនួនដល់កូនដើម្បីកាត់បន្ថយបញ្ហាទល់លាមកក្រោយពីបានធ្វើរោគវិនិច្ឆ័យត្រឹមត្រូវ។
Source: Hello Krupet
អត្ថប្រយោជន៏ចូលរួមកូនឆ្លាតក្លឹប
- វិធីសាស្រ្ត និងគន្លឹះផ្សេងៗតាមដំណាក់កាលនិមួយៗ សម្រាប់ដំណើរភាពជាអ្នកម្តាយ
- កាដូអនុស្សាវរីយ៍ និងសៀវភៅអប់រំសម្រាប់អ្នកម្តាយពពោះ និងអ្នកម្តាយដែលមានកូនគ្រប់ ២ឆ្នាំ
- ការពិគ្រោះជាមួយអ្នកប្រឹក្សាយោបល់ពីកូនឆ្លាតក្លឹប
ចង់ដឹងបន្ថែមអំពីកូនឆ្លាតក្លឹប? ទាក់ទងមកឥលូវនេះតាមប្រព័ន្ធទំនាក់ទំនងខាងក្រោម
អត្ថបទពិសេស
ស្វែងយល់ពីគន្លឹះបន្ថែមទៀតពីប្រធានបទកុមារ